‘आयफोन-५ एस’च्या दरात घसघशीत सूट, ४५ हजारांचा फोन निम्म्या किंमतीत उपलब्ध

आयफोन प्रेमींसाठी आनंदाची बातमी आहे. ‘आयफोन ५ एस’च्या दरात मोठी कपात करण्यात आली आहे. भारतीय बाजारपेठेत ‘आयफोन ५ एस’ची किंमत २२ हजारांपर्यंत खाली आली आहे. सप्टेंबर महिन्यात हीच किंमत ४५ हजारांच्या घरात होती. मात्र, आयफोनचा लेटेस्ट मॉडेल ‘आयफोन ६ एस’ आणि ‘६ एस प्लस’च्या मागणीत दिवाळीनंतर घट झाल्याने कंपनीने आपली विक्री वाढविण्यासाठी ‘आयफोन ५ एस’च्या दरात घट करण्याचा निर्णय घेतला. त्यामुळे भारतीय बाजारपेठेत ‘आयफोन ५ एस’ची किंमत निम्म्यावर आली आहे. तर, इतर देशांत ती याहूनही कमी आहे. ‘आयफोन ५ एस’ (१६ जीबी) हा फोन भारतात इन्फीबीम या संकेतस्थळावर २१, ८९९ रुपयांत मिळत आहे.