‘मायक्रोमॅक्स’ने लोगो बदलला, स्मार्ट फिचर्सचा ‘कॅनव्हॉस ६’ दाखल

‘कॅनव्हॉस ६’ या स्मार्टफोनला ३ जीबीची रॅम आणि संपूर्ण मेटल बॉडी देण्यात आली आहे, तर ‘कॅनव्हॉस ६ प्रो’मध्ये ४ जीबीची रॅम असणार आहे. ‘कॅनव्हॉस ६’ हा स्मार्टफोन १३,९९९ रुपयांमध्ये उपलब्ध करून देण्यात आला आहे. कॅनव्हॅस ६ मध्ये ३२ जीबी आणि कॅनव्हॅस ६ प्रो मध्ये १६ जीबीची मेमरी देण्यात आली आहे. दोन्ही मोबाईलमध्ये ३००० एमएएच क्षमतेची बॅटरी असणार आहे.

दरम्यान, सर्वाधिक मोबाईल उत्पादन करणाऱया पहिल्या पाच कंपन्यांच्या जागतिक क्रमवारीत स्थान प्राप्त करण्याचा मायक्रोमॅक्स कंपनीचा मानस असून, हे उद्दीष्ट २०२० पर्यंत साध्य करणार असल्याचे कंपनीने जाहीर केले आहे. कंपनीने त्यांचे स्मार्टफोन खरेदीसाठीचे स्वत:चे इ-कॉमर्स स्टोर देखील सुरू केले आहे. याशिवाय, ‘मेक इन इंडिया’च्या अंतर्गत मोबाईचे संपूर्ण उत्पादन भारतात केले जाईल यादृष्टीनेही कंपनीचे प्रयत्न सुरू आहेत.