शेअर व्यवहारातून कल्याणमधील वृध्दाची १९ लाखाची फसवणूक

खडकपाडा पोलीस ठाण्यात याप्रकरणी प्रदीप जैयस्वाल यांनी तक्रार केली आहे.पोलिसांंनी सांंगितले, मे महिन्यात तक्रारदार प्रदीप जैयस्वाल यांना आरोपी नीलम भाटीया या अनोळखी महिलेने जैयस्वाल यांच्या मोबाईलवरीव व्हाॅटसपवर एक लघुसंदेश पाठविला. त्यांना संपर्क करून आपण ऑनलाईन शेअऱ् व्यवहारातून गुंतवणूक केली तर आपणास आकर्षक मोबादला मिळेल. भाटीया यांनी जैयस्वाल यांना एक जुळणी पाठवली. ती जुळणी जैयस्वाल यांनी उघडून त्यात त्यांनी स्वताची व्यक्तिगत, बँक खात्यांची माहिती भरणा केली. ही माहिती भरल्यानंतर त्यानंतर त्यांना एचडीएफसी सिक्युरिज २० नावाचे उपयोजन दिसले. या उपयोजन माध्यमातून शेअर व्यवहार करण्यासाठी आपल्या नावाचे खाते उघडले असल्याचे प्रदीप यांना दिसले.

हेही वाचा >>>ठाण्यातील शाळा, महाविद्याल्यांना उद्या सुट्टी जाहीर; मुसळधार पावसामुळे प्रशासनाचा निर्णय

प्रदीप यांनी आपला गुप्त संकेतांंक टाकून त्यामधून गेल्या दोन महिन्याच्या कालावधीत आरोपी सांगतिल त्याप्रमाणे रक्कम भरणा करून व्यवहार करू लागले. अशाप्रकारे दोन महिन्यात प्रदीप यांनी १८ लाख ९० हजार रूपये ऑनलाईन व्यवहारत गुंंतविले. या रकमेवर परतावा मिळण्यासाठी प्रदीप आरोपींना संपर्क करू लागले. ते उडवाउडवीची उत्तरे देऊ लागले. परतावा मिळत नसेल तर मूळ रक्कम परत करा म्हणून प्रदीप तगादा लावू लागले. ती रक्कमही परत देण्यास आरोपी टाळाटाळ करू लागले. आपली फसवणूक आरोपी करत असल्याचे लक्षात आल्यावर प्रदीप यांनी पोलीस ठाण्यात तक्रार केली.