आसनगाव लोकलमध्ये सापडलेले २० लाख रूपये, मूळ मालकाला कल्याण रेल्वे पोलिसांकडून परत

सचिन बोरसे असे या व्यक्तिचे नाव आहे. ते धुळे जिल्ह्यात सौर उर्जा सयंत्र बसविण्याच्या कामाची कंत्राटे घेतात. आपल्या मुलाच्या शिक्षणासाठी एके ठिकाणी पैसे भरणा करायचे असल्याने बोरसे २० लाखाची रोख रक्कम घेऊन धुळे येथून गेल्या आठवड्यात मुंबईत येत होते. कसारा येथे लोकलमध्ये बसल्यावर त्यांनी जवळील पिशवी लोकलमधील मंचावर ठेवली. लोकल मुंबईच्या दिशेने धाऊ लागल्यावर काही वेळाने बोरसे यांना डुलकी लागली.

आणखी वाचा

पुणे : सांडपाणी वाहिन्यांची झाकणे समपातळीवर आणण्यासाठी महापालिकेने उचलले पाऊल !

कल्याण मारहाण प्रकरण: “तो म्हणाला मुख्यमंत्री कार्यालयातून एक…

कांद्याच्या बोगस पीकविम्याचे पेव फुटले; जाणून घ्या, जिल्हानिहाय कांद्याचा बोगस पीकविमा

पदावरील खाद्यापदार्थ विक्रेत्यांची अशीही चलाखी उघड; पोलीस, महापालिकेनेच दाखवली पळवाट?

महापालिका आयुक्तांचा आदेश आणि पहिल्याच दिवशी झाले इतके काम ! महापालिकेची सर्वंकष स्वच्छता मोहीम, १६ टन राडारोडा, २४ टन कचराही उचलला

गोरेगावमधील झाडाची फांदी पडून घराचे नुकसान

आमदार योगेश टिळेकर यांच्या मामाचे अपहरण, पोलिसांकडून अपहरणकर्त्यांचा शोध

पुणे : वैमनस्यातून तरुणावर कोयत्याने वार, बोपोडी परिसरातील घटना

हे ही वाचा…भिवंडीची पूनरावृत्ती टाळण्यासाठी नवरात्रोत्सवात पोलीस सतर्क समाजमाध्यमांवरील अफवांवर पोलिसांचे लक्ष, गस्तीवर भर

लोकलमधील प्रवाशांचा एक गट कल्याण रेल्वे स्थानकात उतरला. त्यांनी सचिन बोरसे यांची पिशवी नजरचुकीने स्वताची पिशवी म्हणून उतरून घेतली. फलाटावर उतरल्यावर त्यांना ही पिशवी आपली नसल्याचे समजले. त्यांनी ती पिशवी उघडून पाहिली तर त्यात पैसे होते. या प्रवाशांच्या गटाने ती पिशवी कल्याण लोहमार्ग पोलिसांच्या ताब्यात दिली. २० लाखाची रक्कम पाहून पोलीस आवाक झाले होते. पोलिसांनी या पिशवीच्या मालकाचा शोध सुरू केला होता. बोरसे सीएसएमटी येथे उतरण्याच्या तयारीत होते. त्यांना मंचकावर पिशवी नसल्याचे आढळले. अज्ञात प्रवाशाने ती चोरून नेली असल्याचा संशय त्यांना आला. कल्याण लोहमार्ग पोलिसांनी कसारा ते कल्याण रेल्वे स्थानकांच्या दरम्यानचे सीसीटीव्ही चित्रण तपासून पिशवीच्या मालकाचा शोध सुरू केला होता. पोलिसांनी ही पिशवी ज्याची असेल त्याने ओळख पटवून घेऊन जाण्याचे आवाहन केले होते.

हे ही वाचा…ठाणे : कळव्यामधील एका शाळेतील ३८ विद्यार्थ्यांना विषबाधा

दरम्यानच्या काळात मुंब्रा येथून लोहमार्ग पोलीस ठाण्यात एक इसम आला. त्याने २० लाख रूपये रक्कम असलेली पिशवी आपली असल्याचा दावा केला. पोलिसांनी २० लाख रूपये कोठुन आणले याचे पुरावे सादर कर आणि त्याप्रमाणे तुला पिशवी परत केली जाईल, असे सांगितले. हे ऐकून संबंधित इसम पोलीस ठाण्यातून गेल्यावर परत आला नाही. आपली पिशवी कल्याण लोहमार्ग पोलीस ठाण्यात असल्याचे समजल्यावर ठेकेदार सचिन बोरसे पोलीस ठाण्यात आले. आपल्या मुलाच्या शिक्षणासाठी आपण ही रक्कम घेऊन मुंबईत येत होतो. ही रक्कम आपण बँकेतून काढल्याचे आणि या रकमेसंबंधी सर्व बँक पुरावे सादर केल्यानंतर बोरसे यांना कल्याण लोहमार्ग पोलिसांनी त्यांची २० लाख रूपये असलेली पिशवी परत केली.
बोरसे यांनी ही पिशवी पोलीस ठाण्यात जमा करणारे प्रवासी आणि लोहमार्ग पोलिसांच्या कृतीविषयी समाधान व्यक्त केले.