डोंबिवली: मोकाट बैलाने मारलेल्या धडकेत ज्येष्ठ नागरिकाचा बस खाली चिरडून मृत्यू

डोंबिवली पूर्व भागातील दत्तनगर परिसरातून रस्त्याने पायी चाललेल्या एका ज्येष्ठ नागरिकाला एक मोकाट बैलाने जोराने धडक मारली. त्याचवेळी बाजुने एक बस चालली होती. बैलाने कपाळ आणि शिंगाने मारलेल्या धडकेत ६८ वर्षाचा ज्येष्ठ नागरिक थेट बस खाली फेकला गेला. भरधाव वेगात असलेली बस ज्येष्ठ नागरिकाच्या अंगावरुन गेल्याने त्यांचा जागीच मृत्यू झाला. मंगळवारी संध्याकाळी ही घटना घडली आहे.

आणखी वाचा

Uttarakhand Bus Accident : उत्तराखंडच्या अल्मोडा दरीत बस कोसळून २३ प्रवाशांचा मृत्यू, अनेक प्रवासी गंभीर जखमी

Madhurima Raje : सतेज पाटील ज्यांच्यामुळे ढसाढसा रडले…

योगींचा मृत्यू बाबा सिद्दीकीसारखा झाला, तर भारताची अवस्था हमास, इस्त्राईलसारखी आणखी एक धमकीचा संदेश

अन्वयार्थ: हत्तीएवढ्या दुर्लक्षाचे बळी

पुण्यात पुन्हा हिट अँड रन! रस्त्यावर फटाके फोडणाऱ्याला भरधाव कारने दिली धडक; ३५ वर्षीय व्यक्तीचा जागीच मृत्यू

नवाब मलिक यांच्या जावयाचे निधन; काही दिवसांपूर्वी झाला होता गंभीर अपघात, निवडणूक काळात कुटुंबावर कोसळला दुःखाचा डोंगर

‘कोदो मिलेट’च्या सेवनाने तीन दिवसांत १० हत्तींचा मृत्यू; कारण काय? काय आहे कोदो मिलेट?

नवी मुंबई: आठ वर्षाच्या मुलाचा दुर्दैवी मृत्यू; उद्यानातील पाण्याच्या टाकीत पडला

हेही वाचा >>> बारवी धरणासाठी जमिनी दिलेल्या शेतकऱ्यांच्या ९९ वारसांना कडोंमपात पदस्थापना

शिवराम धोत्रे (६८) असे मरण पावलेल्या ज्येष्ठ नागरिकाचे नाव आहे. ते दत्तनगर परिसरात राहतात. मंगळवारी संध्याकाळी ते नेहमीप्रमाणे दत्तनगर परिसरातील रस्त्यावरुन पायी चालले होते. त्याचवेळी एक मोकाट उधळलेला बैल वेगाने शिवराम यांच्या अंगावर आला. ते बाजुला होण्यापूर्वीच बैलाने त्यांना कपाळाने जोराची धडक मारली. त्याचवेळी रस्त्याच्या बाजुने एक बस चालली होती. बैलाची जोराची धडक बसल्याने शिवराम रस्त्याच्या दिशेने फेकले जाऊन बसखाली जाऊन पडले. भरधाव बस त्यांच्या अंगावरून गेल्याने त्यांचा जागीच मृत्यू झाला. या भागातून बस जात नसती तर ते रस्त्यावर पडले असते. त्यांचा जीव वाचला असता, असे या भागातील दुकानदारांनी सांगितले. रामनगर पोलीस ठाण्यात या प्रकरणाची नोंद करण्यात आली आहे. मोकाट बैल कोणाचा याचा शोध धोत्रे यांच्या नातेवाईकांकडून घेतला जात आहे. या मोकाट बैलाच्या नातेवाईकांवर कारवाई करण्याची मागणी नातेवाईकांनी केली आहे.