डोंबिवली: मोकाट बैलाने मारलेल्या धडकेत ज्येष्ठ नागरिकाचा बस खाली चिरडून मृत्यू

डोंबिवली पूर्व भागातील दत्तनगर परिसरातून रस्त्याने पायी चाललेल्या एका ज्येष्ठ नागरिकाला एक मोकाट बैलाने जोराने धडक मारली. त्याचवेळी बाजुने एक बस चालली होती. बैलाने कपाळ आणि शिंगाने मारलेल्या धडकेत ६८ वर्षाचा ज्येष्ठ नागरिक थेट बस खाली फेकला गेला. भरधाव वेगात असलेली बस ज्येष्ठ नागरिकाच्या अंगावरुन गेल्याने त्यांचा जागीच मृत्यू झाला. मंगळवारी संध्याकाळी ही घटना घडली आहे.

आणखी वाचा

मतदान केंद्रावर सीसीटीव्ही यंत्रणा बसवा, ठाकरे गटाचे नेते राजन विचारे यांची मागणी

कल्याण, डोंबिवलीतील बंडखोरांचे पाठीराखे प्रचारातून गायब; बंडखोर, अपक्षांचा…

भुजबळ यांच्या विधानामुळे तपास यंत्रणाचा गैरवापर उघड- जितेंद्र आव्हाड

राज्यातील सत्ताधाऱ्यांकडून एक लाख कोटीची उधळपट्टी, ठाकरे गटाच्या नेत्या प्रियंका चतुर्वेदी यांचा आरोप

ठाणे जिल्ह्यातील ५७८ मुले आली शिक्षणाच्या प्रवाहात

ठाणे पालिकेच्या तिजोरीत खडखडाट; दिवाळीनंतर पालिकेचे निघाले दिवाळ

मुख्यमंत्री एकनाथ शिंदे हेच महायुतीचे कर्णधार – खासदार नरेश म्हस्के

ठाणे जिल्ह्यात उद्धव ठाकरेंची १६ नोव्हेंबरला सभा

ठाणे : रिक्षाच्या मीटरमध्ये फेरफार करून प्रवाशांची लूट

हेही वाचा >>> बारवी धरणासाठी जमिनी दिलेल्या शेतकऱ्यांच्या ९९ वारसांना कडोंमपात पदस्थापना

शिवराम धोत्रे (६८) असे मरण पावलेल्या ज्येष्ठ नागरिकाचे नाव आहे. ते दत्तनगर परिसरात राहतात. मंगळवारी संध्याकाळी ते नेहमीप्रमाणे दत्तनगर परिसरातील रस्त्यावरुन पायी चालले होते. त्याचवेळी एक मोकाट उधळलेला बैल वेगाने शिवराम यांच्या अंगावर आला. ते बाजुला होण्यापूर्वीच बैलाने त्यांना कपाळाने जोराची धडक मारली. त्याचवेळी रस्त्याच्या बाजुने एक बस चालली होती. बैलाची जोराची धडक बसल्याने शिवराम रस्त्याच्या दिशेने फेकले जाऊन बसखाली जाऊन पडले. भरधाव बस त्यांच्या अंगावरून गेल्याने त्यांचा जागीच मृत्यू झाला. या भागातून बस जात नसती तर ते रस्त्यावर पडले असते. त्यांचा जीव वाचला असता, असे या भागातील दुकानदारांनी सांगितले. रामनगर पोलीस ठाण्यात या प्रकरणाची नोंद करण्यात आली आहे. मोकाट बैल कोणाचा याचा शोध धोत्रे यांच्या नातेवाईकांकडून घेतला जात आहे. या मोकाट बैलाच्या नातेवाईकांवर कारवाई करण्याची मागणी नातेवाईकांनी केली आहे.