ठाणे: महामार्गावर लुटारूंचा तरुणावर चाकूहल्ला

मुंबई नाशिक महामार्गावरील मानकोली भागात लुटमार करताना तीन चोरट्यांनी एकावर चाकू हल्ला केल्याचा प्रकार नुकताच उघडकीस आला आहे. याप्रकरणी नारपोली पोलीस ठाण्यात गुन्हा दाखल करण्यात आला असून पोलिसांनी तिघांना अटक केली आहे. दाऊद अन्सारी (२९), गुल्फाम अन्सारी (२८) आणि आवेश शेख (२३) अशी अटकेत असलेल्या आरोपींची नावे असून हे सर्वजण अभिलेखावरचे गुन्हेगार असल्याची माहिती पोलिसांनी दिली.
मुंबई नाशिक महामार्ग येथून ट्रेलर चालक अजितकुमार पाल आणि आदर्श पाल हे दोघे ट्रेलर घेऊन मुंबईच्या दिशेने येत होते. त्यांचा ट्रेलर भिवंडीतील मानकोली नाका भागात आला असता, त्यांनी आराम करण्यासाठी ट्रेलर थांबविला.