पूर्व द्रुतगती महामार्गावर अपघात; चालक जखमी

नवी मुंबई न्हावा शेवा येथून गुजरातच्या दिशेने कंटेनर वाहतुक करत होता. हा कंटेनर बुधवारी सायंकाळी ४ वाजताच्या सुमारास कंटेनर कॅडबरी जंक्शन उड्डाणपूलाजवळ आला. त्यावेळी कंटेनर चालक कमलेश याचा वाहनावरील ताबा सुटून कंटेनर उलटला. या अपघातात कमलेश यांच्या दोन्ही पायाला आणि पाठीला किरकोळ दुखापत झाली. त्यांनी रुग्णालयात जाऊन उपचार घेण्यास नकार दिल्याने त्यांच्यावर प्रथमोपचार करण्यात आले. या अपघातामुळे कॅडबरी जंक्शन परिसरात काहीकाळ वाहतुक कोंडी झाली होती. या कंटेनरला रस्त्यावरून बाजूला करण्याचे कार्य प्रशासनाकडून सुरू होते