आधी वाहतूक नियमांचे फलक, मगच कारवाई; बदलापुरात वाहतूक कारवाई तुर्तास स्थगित, पालिका लावणार फलक

बदलापूर रेल्वे स्थानक परिसरात पालिका आणि लोकप्रतिनिधींच्या नियोजनशून्य कारभारामुळे आधीच रस्ते अरूंद राहिले असून त्यामुळे परिसर कोंडीत अडकला आहे. त्यात स्थानक परिसरात पार्किंगसाठी जागा उपलब्ध नाही. जे वाहनतळ आहेत ते रेल्वे प्रवास करणाऱ्यांच्या वाहनामुळे भरून जातात. स्थानक परिसरात खरेदीसाठी येणारे ग्राहक काही मिनिटांसाठी वाहनतळाचा वापर करण्याकडे पाठ फिरवतात. अशावेळी बाजारपेठ परिसरात मिळेल त्या ठिकाणी वाहने उभी केली जातात. त्यामुळे वाहतूक कोंडी होती. अशावेळी वाहतूक पोलिसांकडून वाहनांवर कारवाई करून ती वाहने उचलून नेली जातात. त्यामुळे वाहनचालक आणि पोलिसांमध्ये खटके उडतात.

आणखी वाचा

बेकायदा घराची कागदपत्रेही अनधिकृतच; भिवंडीतील पाच बेकायदा इमारतींना संरक्षण देण्यास उच्च न्यायालयाचा नकार

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

पिंपरी : नळजोड तोडणीबाबतचा ‘एसएमएस’ खरा की खोटा? महापालिका प्रशासनाने सांगितले…

मुंबई : उल्लंघन करणाऱ्या ४७७ बांधकामांना नोटीस, ३३ प्रकल्पांना काम थांबविण्याचे म्हाडाचे आदेश

कायदा व सुव्यवस्था राखण्याचे सोडून नागपुरातील ठाणेदार विकतायेत तिकीट…. प्रत्येकाला तीनशे…

‘मकोका’ कायदा काय आहे? या कायद्यामुळे संघटित गुन्हेगारीला आळा बसला आहे का?

धार्मिकस्थळांवरील २,९४० बेकायदा ध्वनिक्षेपकांवर काय कारवाई केली? उच्च न्यायालयाची गृह विभागासह पोलीस महासंचालकांना विचारणा

डोंबिवलीत बेकायदा फलक लावणाऱ्या आस्थापनांवर फौजदारी गुन्हे, पाच हजार फलकांवर कारवाई

हेही वाचा >>>डोंबिवलीत गृह प्रकल्पाच्या उद्वाहन खड्ड्यात पडून चालकाचा मृत्यू

सध्याच्या घडीला बदलापूर स्थानक आणि बाजारपेठ परिसरा कुठे वाहने उभी करावी किंवा करू नये याचे फलक नाहीत. अशावेळी वाहतूक पोलिसांच्या कारवाईवर नागरिकांकडून आक्षेप घेण्यात येत होते. त्याविरूद्ध तक्रारी वाढल्याने लोकप्रतिनिधिंच्या उपस्थितीत वाहतूक पोलीस आणि पालिका प्रशासनासोबत विशेष बैठकीचे आयोजन करण्यात आले होते. या बैठकीत शहरात सुरू असलेल्या वाहतूक पोलिसांच्या कारवाईला स्थगिती देण्याची मागणी माजी नगराध्यक्ष वामन म्हात्रे यांनी केली होती. त्यावर वाहतूक पोलिसांनी वाहतुकीच्या नियमांचे फलक लागेपर्यंत कारवाई स्थगित करण्याचा निर्णय घेतला. कुळगाव बदलापूर नगरपालिका प्रशासन येत्या १५ दिवसात शहरात वाहतूक नियमांचे फलक लावणार असल्याची माहिती नगरपालिकेचे नगराध्यक्ष योगेश गोडसे यांनी दिली आहे. नो पार्किंगची कारवाई होणार नसल्याचे वाहनचालकांना दिलासा मिळाला असला तरी यामुळे स्थानक परिसरात कोंडी वाढण्याची शक्यता आहे.