कल्याणमध्ये ‘गटारी’ करुन दुचाकी चालविणाऱ्या २५ चालकांवर कारवाई

मद्यपान करुन वाहने चालवित असल्याचे निदर्शनास आले –

मद्यपान करुन वाहने चालवू नका, असे नियमित आवाहन करुनही वाहन चालक त्या सूचनांचे पालन करत नसल्याने वाहतूक पोलिसांची डोकेदुखी वाढली आहे. बुधवारी गटारी अमावस्येच्या दिवशी मद्यपान करुन वाहन चालक वाहने चालविण्याची शक्यता विचारात घेऊन कोळसेवाडी वाहतूक शाखेचे वरिष्ठ पोलीस निरीक्षक रवींद्र क्षीरसागर यांच्या पथकाने कल्याण पूर्वेतील सर्वाधिक वर्दळीच्या तिसगाव नाका, मानपाडा चौक, पत्रीपूल, मलंग रोड, टाटा नाका भागात गस्त ठेवली होती. यावेळी दुचाकी स्वार, मोटार, अवजड वाहन चालकांची तपासणी करण्यात आली. यावेळी २५ हून अधिक दुचाकी, मोटार कार चालक मद्यपान करुन वाहने चालवित असल्याचे निदर्शनास आले. त्यांच्यावर मोटार वाहन कायद्याने दंडात्मक कारवाई करण्यात आली.

आणखी वाचा

मुंबई: मानखुर्द येथे चांदीचा ट्रक अडवला, ८० कोटींची आठ हजार ४७६ किलो वजनाची चांदी जप्त

महायुतीला सत्ता मिळाली, लाडक्या बहिणींना २१०० रुपये कधीपासून…

Toyota Year End Deals : टोयोटाच्या तीन गाड्यांचे लिमिटेड एडिशन लाँच; कारच्या खरेदीवर मिळणार भरपूर अ‍ॅक्सेसरीज

ई-शिवनेरीमध्ये अनधिकृतपणे प्रवासी बसवले

नागपूर संभाजीनगरला जोडणारी एकही रेल्वेगाडी का नाही

पुणे: सावधान ! महापालिकेच्या इमारतीमध्ये हेल्मेट शिवाय प्रवेश कराल तर…!

प्रचार मिरवणूकांमुळे रिक्षा चालकांना अच्छे दिन, तीन ते चार तासांसाठी रिक्षा चालकांना मिळतात ५०० ते १ हजार रुपये

हमीपत्र आणि दंडाची रक्कम वसूल करण्यात आली-

१० वाहन चालकांकडे वाहनांची कागदपत्रे नव्हती. त्यांनी मद्यपान केले होते. त्यामुळे त्यांच्यावर दंडात्मक कारवाई आणि त्यांना न्यायालया समोर हजर करण्यात आले. त्यांच्याकडून हमीपत्र आणि दंडाची रक्कम न्यायालयाच्या माध्यमातून वसूल करण्यात आली.

पादचारी, इतर वाहनांना धोका –

अशीच कारवाई डोंबिवली, कल्याण पश्चिम वाहतूक शाखेचे वरिष्ठ पोलीस निरीक्षक महेश तरडे, उमेश गित्ते यांनी केली. आषाढाचा शेवटचा दिवस आणि श्रावण सुरू होणार असल्याने महिनाभर मांसाहर, मद्यपान करता येणार नसल्याने गटारी अमावस्येच्या दिवशी अनेक जण मद्यपान, मांसाहर करतात. काही जण मद्यपान करुन वाहने चालवितात. यामुळे पादचारी, इतर वाहनांना धोका होऊ शकतो, असे वाहतूक पोलिसांनी सांगितले.