मुख्यमंत्री येती शहरा, आधी रस्ते दुरुस्त करा; अंबरनाथमधील खड्ड्यांपासून खाचखळगे तातडीने दुरुस्ती

विधानसभा निवडणुकांच्या पार्श्वभूमीवर प्रचारासाठी अवघे सहा दिवस शिल्लक असल्याने सर्वच महत्वाचे नेते प्रचारासाठी सभा घेत आहेत. अंबरनाथ विधानसभा मतदारसंघात विद्यमान आमदार आणि महायुतीचे उमेदवार डॉ. बालाजी किणीकर यांच्यासाठी बुधवारी दुपारी मुख्यमंत्री एकनाथ शिंदे यांची सभा होणार आहे. अंबरनाथ पूर्वेतील बाह्यवळण रस्त्यावर ही सभा होईल. त्यासाठी पश्चिमेतील हेलिपॅडवर एकनाथ शिंदे यांचे हेलिकॉप्टर उतरेल अशी शक्यता आहे. त्यामुळे त्या स्थळापासून सभास्थळापर्यंतचे रस्ते सुस्थितीत करण्यासाठी बुधवारी सकाळपासूनच स्थानिक शासकीय यंत्रणांची धावपळ दिसत होती. शहरातील मटका चौक ते सभा स्थळापर्यंत जाण्यासाठीच्या रस्त्यावर भर चौकातच अनेक महिन्यांपासून खड्डे पडले होते. तर पुढे उड्डाणपुलाच्या प्रवेशद्वारावरही खाचखळगे होते. त्यातून दररोज वाहनचालकांना त्रास सहन करत प्रवास करावा लागत होता. मात्र मुख्यमंत्री एकनाथ शिंदे यांच्या येण्यापूर्वी हे खड्डे भरण्यात आले.

नक्की वाचा

Video : रायगडमध्ये बोटीत चढवतांना पिकअप टेम्पो खाडीत पडला… घटना सीसीटीव्हीत कैद

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

कल्याण, डोंबिवलीतील बंडखोरांचे पाठीराखे प्रचारातून गायब; बंडखोर, अपक्षांचा एकला चलो रे मार्गाने प्रचार

वरळीतील ठाकरे गटाच्या प्रचाराची भिस्त तीन आमदार, दोन माजी महापौर, माजी उपमहापौरांवर

Manoj Jarange Patil : माघार घेताना जरांगे यांचा मुख्यमंत्री शिंदे यांना धक्का

मुरबाडच्या ‘कुणबी’ लढतीत आगरी अस्मिताही महत्वाची, लोकसभेनंतर ग्रामीण पट्ट्यात पुन्हा जातीय समिकरणांना वेग

‘धारावी बचाव’चा कार्यकर्ता रिंगणात; मतदारसंघातून गायकवाड कुटुंबाची मक्तेदारी मोडीत काढणार ?

डोंबिवली पलावा वसाहतीमधील अलिशान सदनिकेतून विदेशी वन्यजीव जप्त, ठाणे वन विभागाची कारवाई

हेही वाचा – कळवा-मुंब्य्रात गुरु-शिष्याची नव्हे तर धर्म-अधर्माची लढाई, कृषीमंत्री धनंजय मुंडे यांचे मुंब्य्रातील सभेत विधान

हेही वाचा – डोंबिवली पलावा वसाहतीमधील अलिशान सदनिकेतून विदेशी वन्यजीव जप्त, ठाणे वन विभागाची कारवाई

सकाळी सर्व यंत्रणा रस्त्यावर सक्रिय होती. त्यामुळे किमान मंत्र्यांच्या येण्यानेही का होईना रस्ते तर चांगले झाले अशी प्रतिक्रिया सर्वसामान्य प्रवासी देत होते. याच कल्याण बदलापूर मार्गावरून उत्तर प्रदेशचे मुख्यमंत्रीही बुधवारी प्रवास करणार आहेत. उल्हासनगरातील भाजप उमेदवार कुमार आयलानी यांच्यासाठी ते प्रचार सभा घेणार आहेत. त्यामुळे हा रस्ता कधी नव्हे ते सुस्थितीत आणण्यात येत होता.