आमची देना बँक आहे, लेना बँक नाही, मुख्यमंत्री एकनाथ शिंदे यांची कल्याणमध्ये विरोधकांवर टीका

कल्याण पश्चिमेतील महायुतीचे उमेदवार विश्वनाथ भोईर यांच्या सहजानंद चौक येथील निवडणूक प्रचार कार्यालयाचे उद्घाटन सोमवारी मुख्यमंत्री एकनाथ शिंदे यांच्या हस्ते करण्यात आले. त्यावेळी ते बोलत होते. भिवंडी शहर, ग्रामीण येथील महायुती उमेदवारांच्या प्रचारासाठी मुख्यमंत्री भिवंडी येथे येणार होते. तत्पूर्वी त्यांनी कल्याणचा धावता दौरा केला.

आणखी वाचा

Election results 2024 : राष्ट्रवादी शरद पवार गटाचे नेते जितेंद्र आव्हाड विजय

Kalyan Rural Assembly constituency: कल्याण ग्रामीणमध्ये आमदार बदलाची…

Kalyan East assembly elections: कल्याण पूर्वेत मतदारांचे आमदार गणपत गायकवाड यांच्या गोळीबाराकडे दुर्लक्ष? सुलभा गायकवाड यांची विजयाकडे वाटचाल

मुरबाडमध्ये कथोरेंनी चक्रव्युव्ह भेदले, ५० हजारांहून अधिक मतांची विजयी आघाडी

मुख्यमंत्री एकनाथ शिंदे यांच्या घराबाहेर आनंदोत्सव; कार्यकर्त्यांकडून फटाक्यांची आतषबाजी

मामाच्याच हातून चिमुकलीची हत्या, उल्हासनगरमधील चिमुकलीच्या मृत्यू प्रकरणाचा उलगडा

ठाणे : स्ट्राँग रुम भोवती त्रिस्तरीय सुरक्षेचे कडे, केंद्रीय शसस्त्र दलासह स्थानिक पोलिसांचा कडेकोट बंदोबस्त

ठाणे जिल्ह्यात लाडक्या बहिणी मतदानात आघाडीवर, पुरुषाच्या तुलनेत एक टक्क्याने पुढे

हेही वाचा…लाडकी बहीण योजनेमुळे राजकीय पक्षांना प्रचाराचा ‘लाभ’, राजकीय पुढाऱ्यांचे उखळ पांढरे

u

लाडकी बहिण योजनेमुळे महिला स्वयंअर्थपूर्ण होत आहेत. त्यांना आर्थिक आधार मिळाला आहे. या योजनेचा महायुती सरकारला लाभ होईल या भीतीने महाविकास आघाडीने या योजनेला उच्च न्यायालयात आव्हान दिले. पण न्यायालयाने याचिकाकर्त्यांना फटकारले. आमचे सरकार महाराष्ट्रात आले तर या सर्व योजनांची चौकशी करण्याचे महाविकास आघाडीचे नेते म्हणत आहेत. चांगल्या कामात अडथळे आणण्याचे काम महाविकास आघाडीचे नेते करत आहेत, अशी टीका मुख्यमंत्री एकनाथ शिंदे यांनी केली.

आम्ही लोकांच्या विकासाचे असेल ते त्यांना भरभरून देतो, असे सांगून मुख्यमंत्री एकनाथ शिंदे यांंनी आमची देना बँक आहे. लेना बँक नाही, अशी मिश्किल टिपणी केली. महायुती सरकारने नागरी हिताच्या अकरा योजना सुरू केल्या आहेत. त्या बंद करण्यासाठी आम्ही प्रयत्न करू असे महाविकास आघाडीचे नेते बोलत आहे. म्हणजे महाविकास आघाडीच्या नेत्यांचा स्वार्थ यामध्ये दिसून येत आहे, असे ते म्हणाले.

हेही वाचा…निवडणूकीच्या पार्श्वभूमीवर पोलीस यंत्रणा सज्ज

लाडकी बहिण योजनेसह इतर योजनांची चौकशी करण्याची भाषा महाविकास आघाडीचे नेते करत आहेत. तुम्ही सर्व प्रकारच्या चौकशा करा. त्यात तुम्हाला काही भेटणार नाही. वेळ आली तर लाडकी बहिण योजनेसाठी आम्ही एकदा नाही तर दहा वेळ तुरूंगात जायला तयार आहोत, असे आव्हान मुख्यमंत्री एकनाथ शिंदे यांनी विरोधकांना दिले.जे जनहिताच्या कामांमध्ये खोडे घालत आहेत त्यांना आता जनतेने जोडा दाखवावा. त्यांना त्यांची जागा दाखवून द्यावी, असे मुख्यमंत्री एकनाथ शिंदे यांनी सांगितले.

या कार्यक्रमाला राष्ट्रवादी काँग्रेसचे प्रदेश उपाध्यक्ष प्रमोद हिंदुराव, जिल्हाप्रमुख गोपाळ लांडगे, भिवंडी ग्रामीण जिल्हाप्रमुख प्रकाश पाटील, अरविंंद मोरे, शहरप्रमुख रवी पाटील उपस्थित होते.