कल्याण मध्ये टेम्पो चालकाच्या निष्काळजीपणामुळे सहाय्यकाचा मृत्यू

कल्याण: भरधाव वेगात निष्काळजीपणे टेम्पो चालविताना चालकाला समोरील गतिरोधक लक्षात आला नाही. गतिरोधकावरुन टेम्पो जात असताना चालकाने जोराने ब्रेक लावल्याने टेम्पो पलटी झाला. टेम्पोतील वाहन साहाय्यक टेम्पोच्या दरवाज्यातून बाहेर फेकून टेम्पोखाली आल्याने त्याचा जागाची मृत्यू झाला.

आणखी वाचा

तो अपघात नव्हे तर हत्या; महामार्गावरील अपघाती मृत्यूचे गूढ उकलले

…तर औषधाची गरजच नाही! वाचा निरोगी आयुष्य जगण्यासाठी…

अणस्कुरा घाटात एसटी बसचे ब्रेक निकामी; चालकाच्या प्रसंगावधाने वाचले ५० प्रवाशांचे प्राण

पालकमंत्री वाटपाचा घोळ दोन दिवसात संपणार, बावनकुळेंचे संकेत

स्वदेशी बनावटीच्या ध्रुव हेलिकाॅप्टर्सचे वारंवार अपघात का होत आहेत?

ठाणे : वाहन दरीत कोसळून एकाचा मृत्यू तर आठ जण जखमी

एसटीच्या इलेक्ट्रिक बस तोट्यात, सरासरी एका किलोमीटर मागे…

आटगाव-तानशेत रेल्वे स्थानकांदरम्यान रूळावर लोखंडी पट्टी ठेऊन घातपाताचा प्रयत्न

कल्याण मधील खडकपाडा सर्कल जवळील गुरुदेव हाॅटेल परिसरातील रस्त्यावर गुरुवारी सकाळी ही घटना घडली. टेम्पो चालक बिलाल शेख (३२, रा. चोपडा कोर्ट, उल्हासनगर) यांच्या निष्काळजीपणामुळे वाहन साहाय्यक शोयबउल्ला शेख याचा मत्यू झाला. मयत शोयबउल्लाचा भाऊ सोफिउल्ला शेख (रा. उल्हासनगर) याच्या तक्रारीवरुन महात्मा फुले पोलीस ठाण्याच्या पोलिसांनी टेम्पो चालक बिलाल विरुध्द गुन्हा दाखल केला.

हेही वाचा… डोंबिवली एमआयडीसीतील कंपन्या जलमय, उंचवट्या काँक्रीट रस्त्यांचा उद्योजकांना फटका

पोलिसांनी सांगितले, टेम्पो चालक बिलाल गुरुवारी सकाळी भरधाव वेगात वाहतुकीच्या नियमांकडे दुर्लक्ष करत टेम्पो चालवत बिर्ला महाविद्यालय दिशेने उल्हासनगरकडे जात होते. यावेळी त्यांच्या सोबत वाहन साहाय्यक शोयबउल्ला शेख होता. कल्याण शहर परिसरातील मटण विक्रेत्यांना कोंबडी पुरवठ्याचे काम टेम्पोतून केले जाते. गुरुवारी मुसळधार पाऊस सुरू असताना टेम्पो चालक भरधाव वेगात टेम्पो चालवत उल्हासनगर दिशेने जात होता.

हेही वाचा… डोंबिवलीतील तीन जणांची रिक्षा चालकाच्या खुनाच्या आरोपातून निर्दोष मुक्तता, कल्याण जिल्हा न्यायालयाचा निर्णय

खडकपाडा सर्कलजवळील गुरुदेव हाॅटेल भागातील रस्त्यावरुन जात असताना या रस्त्यावरील गतिरोधक चालक बिलालच्या लक्षात आला नाही. गतिरोधकावर वाहन चढताच चालक बिलालने जोरात ब्रेक लावल्याने टेम्पो जोराने उडाला. टेम्पोचा दरवाजा उघडून साहाय्यक शोयबउल्ला बाहेर फेकला गेला. त्याचवेळी टेम्पो पलटी झाला. शोयबउल्ला टेम्पोच्या खाली आल्याने त्याचा जागीच चिरडून मृत्यू झाला.
टेम्पो चालकाच्या निष्काळजीपणामुळे हा प्रकार घडल्याने चालका विरुध्द गुन्हा दाखल करण्यात आला आहे.