डोंबिवलीत एकतर्फी प्रेमातून विवाहितेवर हल्ला.

एकतर्फी प्रेमातून डोंबिवली पूर्वेत एका विवाहितेवर तिच्या जुन्या मित्राने चाकूने हल्ला करून तिला जीवे ठार मारण्याचा प्रयत्न शुक्रवारी केला. हल्लेखोर मित्राने मैत्रिणीकडे लग्नाची गळ घातली होती. त्यास तिने नकार देताच संतप्त मित्राने तिच्या गळ्यावर धारदार चाकूने वार केले.या विवाहितेची प्रकृती गंभीर असून तिच्यावर कळवा येथील छत्रपती शिवाजी रुग्णालयात अतिदक्षता विभागात उपचार सुरू आहेत. या प्रकरणी विवाहितेचा डोंबिवलीतील दत्तनगर मध्ये राहणारा भाऊ राहुल बोडके याने टिळकनगर पोलीस ठाण्यात तक्रार केली आहे. पोलिसांनी हल्लेखोर मित्र जिग्नेश्वर मोरेश्वर जाधव (रा. ब्राह्मण देव मंदिराजवळ, देसलेपाडा, डोंबिवली) याच्या विरुध्द हत्येचा गुन्हा दाखल केला आहे.

पोलिसांनी सांगितले, राहलुची बहिण काजल हिचा वाशिंद येथील इस्माईल शेख याच्या बरोबर प्रेमविवाह झाला आहे. तिला दोन वर्षाची लहान मुलगी आहे. गुरुवारी काजल आईला भेटण्यासाठी डोंबिवलीत आली आहे. शुक्रवारी दुपारी ती काही कामानिमित्त घराबाहेर गेली होती. घरी येत असताना तिला शांतीनगर जैन मंदिरा जवळ आरोपी जिग्नेश जाधव आडवा आला. त्याने तिला ‘मी तुझ्या बरोबर लग्न करीन, तु माझ्या बरोबर ये,’ अशी गळ घातली. तिने नकार देताच संतप्त जिग्नेशने काजलच्या गळ्यावर धारदार चाकूने वार करुन तिला जिवे ठार मारण्याचा प्रयत्न केला.तेथून तो नंतर पळून गेला. तिला तात्काळ कळवा येथील रुग्णालयात पाठविण्यात आले.
पोलिसांनी फरार आरोपीचा शोध सुरू केला आहे.

आणखी वाचा

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

BJP Worker : भाजपा कार्यकर्त्याचा रक्ताने माखलेला मृतदेह कार्यालयात सापडल्याने खळबळ, महिला अटकेत; कुठे घडली घटना?

विवाहित सैनिकाचा तरुणीवर जडला जीव… पत्नी अडथळा ठरत असल्याने थेट नदीत…

भाईंदर: महापालिकेच्या सेल्फी पॉईंटमधील विजेचा धक्का, जखमी मुलीचा उपचारादरम्यान मृत्यू

हडपसर भागात महिलेचा खून, मृतदेह पलंगातील कप्यात ठेवल्याचे उघड

मुंबई: अडीच वर्षांच्या मुलीवर बलात्कार करून हत्या, मानखुर्दमधील धक्कादायक घटना

‘डिलिव्हरी बॉय’कडून मुलीशी अश्लील कृत्य; पसार झालेल्या आरोपीचा शोध सुरू