कल्याणमध्ये अल्पवयीन मुलीवर अतिप्रसंगाचा प्रयत्न; आरोपीस अटक, कठोर कारवाईची मागणी

अल्पवयीन मुलीवर अतिप्रसंगाचा प्रयत्न करणारा विशाल गवळी हा ३५ वर्षांचा आरोपी सराईत गुन्हेगार आहे. त्याच्यावर यापूर्वी बलात्कार, विनयभंगाचे गुन्हे दाखल आहेत, असे कोळसेवाडी पोलिसांनी सांगितले. पीडित अल्पवयीन मुलगी बुधवारी संध्याकाळी शिकवणी वर्गातून घरी पायी जात असताना विशालने रस्त्यात तिचे तोंड दाबून अतिप्रसंगाचा प्रयत्न केला. मात्र, या मुलीने त्याच्या तावडीतून सुटका करून घेत या प्रकाराबाबत पालकांना सांगितले. त्यांनी तात्काळ कोळसेवाडी पोलीस ठाणे गाठले. पोलिसांनी बुधवारी रात्री कल्याण पूर्व भागातून विशालला अटक केली. विशालवर यापूर्वी तडीपारीची कारवाई झाली आहे. तडीपारी संपल्याने तो पुन्हा कल्याणमध्ये आला आहे.

आणखी वाचा

Mumbai Crime : महिलेवर बलात्कार करुन दोन अल्पवयीन मुलींचा विनयभंग करणाऱ्या मांत्रिकाला अटक, मुंबई पोलिसांची कारवाई

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

शाळेतील रोखपाल महिलेकडून १६ लाखांचा अपहार; लोणी काळभोर पोलिसांकडून गुन्हा दाखल

मुंबईः अल्पवयीन मुलीवर हल्ला करून लुटण्याचा प्रयत्न करणारा अटकेत

पिंपरी: खंडणीखोरांविरोधात आक्रमक; औद्योगिक तक्रार निवारण पथकामार्फत ११ गुन्हे दाखल

नायलॉन मांजामुळे सात जणांचा मृत्यू; मुंबईत १९ जणांविरोधात कारवाई

संतापजनक! मुख्याध्यापकाने ८० मुलींना शर्ट काढायला लावले; दहावीच्या विद्यार्थीनींनी ‘पेन डे’ साजरा केल्याची शिक्षा

‘बीपीओ’च्या आवारातील युवतीच्या खूनप्रकरणी सत्यशोधन समिती; राष्ट्रीय महिला आयोगाचा निर्णय; दहा दिवसांत अहवाल

पीडित मुलगी आणि तिचे कुटुंबीय या प्रकारामुळे हादरले असताना पोलिसांनी रात्री उशिरापर्यंत त्यांना चौकशीसाठी पोलीस ठाण्यात बसवून ठेवल्याबद्दल ठाकरे गटाच्या महिला आघाडीने आक्षेप नोंदवला. काही पदाधिकाऱ्यांनी गुरुवारी कोळसेवाडी पोलीस ठाण्याच्या वरिष्ठ पोलीस निरीक्षकांची भेट घेतली. दरम्यान, या प्रकरणाची सखोल चौकशी करण्याचे आदेश राज्य महिला आयोगाच्या अध्यक्ष रुपाली चाकणकर यांनी पोलिसांना दिले आहेत.