ठाणे – मी कोणाकडे काहीही मागितले नाही. मला जितके पुरस्कार मिळाले ते माझा कर्तृत्वाने मिळाले. रसिक प्रेक्षकांनी मला इतके प्रेम दिले, इतके प्रेम कोणाला मिळत नाही. रसिक प्रेम हेच माझ्यासाठी भारतरत्न आहे असे मत ज्येष्ठ गायिका आशा भोसले यांनी व्यक्त केले.
स्वातंत्र्यवीर सेवा प्रतिष्ठानच्या वतीने शनिवारी आनंदोत्सव संगीत समारोहाचे आयोजन डाॅ. काशिनाथ घाणेकर नाट्यगृहात करण्यात आले होते. या कार्यक्रमात ज्येष्ठ गायिका आशा भोसले यांची विशेष मुलाखत घेण्यात आली. यावेळी मंत्री प्रताप सरनाईक, उदय सामंत, शंभूराज देसाई, भरत गोगावले, प्रकाश आबिटकर, दिग्दर्शक आणि अभिनेते प्रवीण तरडे उपस्थित होते.
मी जर शास्त्रीय संगीत शिकले असते तर चांगली शास्त्रीय संगीत गायिका झाले असते अशी खंत देखील त्यांनी व्यक्त केली. शास्त्रीय संगीताला जो सूर लागतो, तो माझ्याकडे आहे असेही त्या म्हणाल्या. आशा भोसले यांची मुलाखत अभिनेते अभिजीत खांडेकर यांनी घेतली.
माझे आवडते राजकारणी….
बाळासाहेब ठाकरे, पंतप्रधान नरेंद्र मोदी, योगी आदित्यनाथ, मुख्यमंत्री देवेंद्र फडणवीस, उपमुख्यमंत्री एकनाथ शिंदे, मनसे अध्यक्ष राज ठाकरे हे माझे आवडते राजकारणी आहेत असेही त्या म्हणाल्या.
