रिक्षाचालकांच्या मुजोरीचा फटका

दिवा परिसरामध्ये हजारो रिक्षा असल्या तरी त्यांची निश्चित आकडेवारी ना रिक्षा संघटनांकडे आहे, ना वाहतूक पोलिसांकडे. या भागातील केवळ ५० ते ६० रिक्षाचालकांकडे आरटीओचे परवाने असून उर्वरित सगळा कारभार हा अनधिकृतच आहे. दिवा रेल्वे स्थानकाच्या पूर्व आणि पश्चिमेला हे रिक्षा थांबे असून शेअर पद्धतीनेच येथे रिक्षा मिळते. शेअर रिक्षांमध्येही केवळ तीन प्रवाशांच्या जागेमध्ये सहा-सहा जणांचा कोंबून प्रवास करावा लागतो. ठरलेल्या मार्गाव्यतिरिक्त अन्य ठिकाणी जायचे असल्यास चालक सांगेल ते भाडे प्रवाशांना मोजावे लागते. अगदी हाकेच्या अंतरावरील शेअर प्रवासासाठीही प्रवाशांना चक्क १५ रुपये मोजावे लागतात. वेगळ्या मार्गावर जायचे असेल तर थेट शंभर रुपये सांगून प्रवाशांची अडवणूक केली जाते. दिवा शहरात पोलीस ठाणेच नाही. त्यामुळे वाहतूक पोलीस फिरकण्याचा प्रश्नच येत नाही. त्यामुळे रिक्षाचालकांना त्यांच्या गैरकृत्याचा जाब विचारणारे इथे कुणीही नाही. त्यामुळे ते अधिकच मुजोर झाले आहेत.

आणखी वाचा

रिक्षाचालकांच्या मागण्या ऐरणीवर! निवडणुकीच्या तोंडावर रिक्षा पंचायतीकडून जाहीरनाम्याद्वारे उमेदवारांकडे पाठपुरावा

१८ नोव्हेंबर पंचांग: संकष्टी चतुर्थी १२ पैकी कोणत्या…

पुणे: सावधान ! महापालिकेच्या इमारतीमध्ये हेल्मेट शिवाय प्रवेश कराल तर…!

गिरणी कामगारांकडून पाच हजार रुपये उकळणे महागात; वांगणीतील विकासकाला कारणे दाखवा नोटीस, म्हाडाच्या मुंबई मंडळाकडून कारवाई

शहरबात : नाकाबंदीचे फलित

ठाणे: वाहतुकीचे उल्लंघन करणाऱ्यांवर दंडात्मक कारवाई

पुणे : नाकाबंदी करणाऱ्या पोलिसांना भरधाव दुचाकीची धडक, दुचाकीवरील सहप्रवासी तरुणीसह चौघे जखमी

देशातील पक्ष्यांच्या संख्येत लक्षणीय घट; जाणून घ्या, मानवी चुका किती हानीकारक

रस्त्याची दुरवस्था..

अवघ्या काही वर्षांत दिव्याची लोकसंख्या झपाटय़ाने वाढली. मात्र त्या प्रमाणात रस्ते वाढले नाहीत. असलेल्या रस्त्यांचे रुंदीकरण झाले नाही. त्यांची डागडुजी झाली नाही. परिणामी सध्या दिवा शहरात चांगले रस्ते दाखवा आणि बक्षीस मिळवा अशी परिस्थिती आहे. रस्त्यावरील खड्डे, चिखल, दगडांमुळे वाहनांमधून गेले तरीही नागरिकांना पाठदुखीचा त्रास होतो. चालत जाण्याची तर कोणतीही सोय नाही. त्यामुळे ‘इकडे आड तिकडे विहीर’ अशी त्यांची अवस्था आहे.