Badlapur Sexual Assault Case : “…तर राज्यात पुन्हा अशी घटना घडणार नाही”, बदलापूर प्रकरणावरून उद्धव ठाकरेंचा राज्य सरकारला सल्ला

उद्धव ठाकरे म्हणाले, संपूर्ण देशात अशा घटना वारंवार घडत आहेत. मात्र, ठराविक राज्यातील अशा घटनांवरून राजकारण केलं जात आहे. ‘सामना’च्या (शिवसेनेच्या ठाकरे गटाचं मुखपत्र) अग्रलेखात संजय राऊत (सामनाचे संपादक) यांनी म्हटलं आहे की लाडकी बहीण योजना आणली, मात्र आपल्या राज्यात बहिणीच नव्हे तर त्यांच्या चिमुरड्या मुली देखील असुरक्षित नाहीत, त्यांच्यावर अत्याचार होत आहेत. अशी घटना केवळ आपल्याच राज्यात नव्हे तर इतर कुठेही होता कामा नये. या प्रकरणातील गुन्हेगारांना कठोर शिक्षा व्हायला हवी. याप्रकरणी फास्टट्रॅक न्यायालयात खटला चालवून गुन्हेगाराला शिक्षा द्यायला हवी.

आणखी वाचा

उद्धव ठाकरे हे घरी एकच असतात व बाहेर देखील एकच असतात – आदित्य ठाकरे

Nana Patole : निकालाआधी राजकीय घडामोडींना वेग; यातच…

“कोकण आणि शिवसेनेचे नाते तोडण्याचा प्रयत्न, कोकणचे अदानीकरण होऊ देणार नाही”, उद्धव ठाकरेंचा इशारा

उद्धव ठाकरेंनी अमित ठाकरेंविरोधात उमेदवार का दिला? राऊतांनी सांगितलं कारण?

Uddhav Thackeray on Ram Mandir : “राम मंदिर गळनेका थांबेगा तो…”, उद्धव ठाकरेंच्या वक्तव्यामुळे एकच हशा!

Uddhav Thackeray : उद्धव ठाकरेंची खोचक शब्दांत टीका, “महायुतीला मत म्हणजे गुजरातला मत, कारण..”

“गद्दारांनी गुवाहाटीचा डोंगर बघितला, आता त्यांना टकमक टोक दाखवायचंय”, उद्धव ठाकरेंची शहाजीबापू पाटलांवर घणाघाती टीका!

“राज ठाकरे भाषण करून गेले तिथे अडरवर्ल्डच्या मदतीने…”, ठाकरेंच्या शिवसेनेचा आरोप; म्हणाले, “अनेक मतदारसंघांत गुंडांच्या टोळ्यांना…”

गुन्हेगारांना शिक्षा देण्यास दिरंगाई होता कामा नये : उद्धव ठाकरे

उद्धव ठाकरे म्हणाले, काही वर्षांपूर्वी दिल्लीत निर्भया कांड झालं होतं. त्या प्रकरणातील आरोपी पकडले गेले, त्यांच्यावरील गुन्हा सिद्ध झाला. काही महिन्यांनी त्यांना फाशीची शिक्षा देखील सुनावली, मात्र त्या शिक्षेची अंमलबजावणी करण्यास अनेक वर्षे लागली. या दिरंगाईला कोण जबाबदार होतं? महिलांवर अत्याचार करणाऱ्यांना शिक्षा व्हायला हवीच, मात्र त्यांना शिक्षा देण्यास उशीर करणाऱ्यांनाही जबाबदार धरलं पाहिजे. मात्र, कोणीही अशा घटनांचं राजकारण करू नये.

शिवसेनेच्या ठाकरे गटाचे प्रमुख म्हणाले, राजस्थानमधील अत्याचाराची घटना असो, हाथरस किंवा बदलापूरमधील घटना असो, यामधील गुन्हेगार सुटता कामा नये. सर्वांनी पक्षभेद, जातपात विसरून एकत्र यायला हवं. आपल्या राज्यातील महिला सुरक्षित राहिल्या पाहिजेत आणि आपल्या राज्यातील महिला सुरक्षित असतील तर त्या महिला आपल्या लाडक्या बहिणी आहेत असं आपण म्हणू शकतो.

हे ही वाचा >> Badlapur Protest : बदलापूरच्या आंदोलनाचा मुंबई लोकल व एक्सप्रेसला फटका, रेल्वेगाड्या ‘या’ मार्गावर धावतायत, मुंबईकरांसाठी काय व्यवस्था?

शक्ती कायद्याची आवश्यकता

उद्धव ठाकरे म्हणाले, “राज्यातील महिलांवरील अत्याचाराच्या घटना थांबव्यात, अशा प्रकरणातील गुन्हेगारांना तातडीने व कठोर शिक्षा व्हावी यासाठी आमचं महाविकास आघाडीचं सरकार शक्ती कायदा आणणार होतं. त्यासाठीचा मसुदा देखील तयार करण्यात आला होता. मात्र तेव्हा करोनाचा काळ असल्यामुळे आपल्याला मोठी अधिवेशनं घेता येत नव्हती. दोन-तीन दिवसांत अधिवेशन संपवावं लागत होतं. परिणामी शक्ती कायदा आपल्याला पारित करता आला नाही. तसेच काही गद्दारांनी आपलं सरकार पाडलं. त्यामुळे आपल्याला तो विषय पुढे नेता आला नाही. मात्र आताच्या सरकारने तो कायदा विचारात घ्यायला हवा”.