डोंबिवलीत भोपर रस्ता कमानीच्या कामासाठी २५ दिवसांपासून बंद ; नोकरदार, विद्यार्थी, नागरिकांचे हाल

या कमान बांधणीला कल्याण डोंबिवली पालिकेच्या नगररचना विभागाने परवानगी दिली आहे. ही कमान किती दिवस बांधून पूर्ण करावी असे कोणतेही नियोजन नसल्याने अतिशय संथगतीने हे काम सुरू असल्याच्या तक्रारी या भागातील रहिवासी, नोकरदारांनी केल्या आहेत. देसलेपाडा, भोपर येथे कमानीचे काम सुरू करण्यापूर्वी पर्यायी रोटेक्स कंपनीचा रस्ता सुस्थितीत करा. मग हा रस्ता कमानीच्या कामासाठी बंद करा, अशी मागणी रिक्षा संघटनेचे संजय देसले यांनी पालिकेकडे गेल्या महिन्यात केली होती. बांधकाम आराखडे मंजुरीत व्यस्त असलेल्या नगररचना अधिकाऱ्यांनी त्याकडे दुर्लक्ष केले. या विभागातील अधिकारी नागरिकांशी आमचे देणेघेणे नाही अशा अविर्भावात असतात. त्याचे चटके आता लोकांना बसत आहेत, असे रिक्षा संघटना पदाधिकारी देसले यांनी सांगितले.

आणखी वाचा

अवयव प्रत्यारोपण आता अगदी कमी खर्चात! खासगी रुग्णालयांतील महागड्या उपचारांना ससूनचा स्वस्त पर्याय

१७ ऑक्टोबर पंचांग: धनसंपत्ती की प्रचंड यश, गुरुवारी…

विद्यार्थ्याचे शैक्षणिक नुकसान टाळण्यासाठी न्यायालयाने नियमांपलिकडे…

वाढदिवसाच्या बहाण्याने हॉटेलमध्ये नेऊन मैत्रिणीशी बळजबरी शारीरिक संबंध

शिळफाटा रस्ते बाधित पुन्हा बेमुदत उपोषणाच्या पवित्र्यात; दीड वर्षापासून रस्ते बाधितांना मोबदला देण्यास टाळाटाळ

उत्सवांच्याकाळात महिला सुरक्षेसाठी साध्या वेशातील पोलीसांची गस्त

भिवंडीची पूनरावृत्ती टाळण्यासाठी नवरात्रोत्सवात पोलीस सतर्क समाजमाध्यमांवरील अफवांवर पोलिसांचे लक्ष, गस्तीवर भर

शहरबात… ॲनाच्या मृत्यूच्या निमित्ताने…

हेही वाचा : घरबसल्या ऑनलाईन खोटे रेटींग देण्याचे काम पडले महागात ; आयटी कंपनीतील कर्मचाऱ्याची २७ लाख रूपयांना फसवणूक

या रस्ते मार्गावर शाळा, कंपन्या, नवीन गृहसंकुले आहेत. त्यांना पर्यायी रस्त्याचा अवलंब करुन जावे लागते. रात्रीच्या वेळेत या खड्डेमय रस्त्यावरुन येजा करताना नागरिकांचा तारांबळ उडते. शाळा चालक, पालक, विद्यार्थी या खड्ड्यामय रस्त्यांमुळे हैराण आहेत. कमानीचे काम लवकर पूर्ण करा म्हणून पालिका, वाहतूक विभाग तगादा लावत नसल्याने याविषयी सांगायचे कोणाला असे प्रश्न येथील नागरिकांना पडले आहेत. स्थानिक ग्रामस्थांकडून हे काम सुरू असल्याने याविषयी उघडपणे कोणी बोलण्यास तयार नाही.

हेही वाचा : डोंबिवलीत एमआयडीसीत उच्चदाब वीज वाहिनीचा स्फोट ; एक बंगल्यातील विद्युत यंत्रणा जळून खाक

भोपर देसलेपाडा रस्त्यावर कमानीच्या कामासाठी रस्ता बंद आहे याची आपणास माहिती नाही. याविषयी माहिती घेऊन रस्ता खुला करण्याविषयी प्रयत्न करते. – रोहिणी लोकरे , कार्यकारी अभियंता

नगररचना विभागाने भोपर रस्त्यावर कमान बांधण्यासाठी परवानगी दिली आहे. हे काम अनेक दिवस सुरू आहे. ते विहित वेळेत पूर्ण करण्यात येत नसल्याने लोकांचे हाल सुरू आहेत. याविषयी आपण लवकरच संबंधितांना काम पूर्ण करण्याचे आदेश देत आहेत. – भारत पवार , साहाय्यक आयुक्त ,ई प्रभाग क्षेत्र

पालिकेने परवानगी दिल्यामुळे वाहतूक विभागाला रस्ता बंद करण्यासाठी मंजुरी द्यावी लागली. या संथगती कामाची माहिती घेऊन येत्या पाच दिवसात रस्ता खुला करण्याचे आदेश संबंधितांना देतो. -रवींद्र क्षीरसागर ,वरिष्ठ पोलीस निरीक्षक ,कोळसेवाडी वाहतूक विभाग