ठाणे : राज्यभरात विकासाची कामे सुरू आहेत. त्यामुळे काहींना पोटदुखी होत असल्याची टीका करत अशा लोकांनी ‘स्वर्गीय बाळासाहेब ठाकरे आपला दवाखाना’ येथे जाऊन मोफत उपचार घ्यावेत, असा टोला राज्याचे मुख्यमंत्री एकनाथ शिंदे यांनी विरोधकांना लगावला आहे.ठाणे जिल्हा मल्टिस्पेशालिटी रुग्णालयाचा भूमिपूजन सोहळा शनिवारी, अक्षयतृतीयेच्या मुहूर्तावर शिंदे यांच्या हस्ते झाला. यावेळी ते बोलत होते. केंद्रीय पंचायत राजमंत्री कपिल पाटील, सार्वजनिक बांधकाममंत्री रवींद्र चव्हाण, आरोग्यमंत्री तानाजी सावंत यांच्यासह आमदार, खासदार उपस्थित होते. आरोग्यमंत्री तानाजी सावंत यांनी साखर विषयात डॉक्टरेट मिळविली आहे. त्यामुळे त्यांनी काही लोकांची साखरही वाढवली आहे, असा टोलाही त्यांनी लगावला. या रुग्णालयाच्या जागेवर आता सुपरस्पेशालिटी रुग्णालय उभारण्यात येणार आहे. तसेच ठाण्यात कर्करोग रुग्णालयाची निर्मिती केली जाणार आहे. त्यामुळे यापुढे जिल्ह्यातील एकाही रुग्णाला मुंबईत जावे लागणार नाही. या प्रवासादरम्यान होणारे रुग्णमृत्यूचे प्रमाण कमी होईल, असेही ते म्हणाले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
