पायी अयोध्येला जाणाऱ्या रामभक्तांना मुख्यमंत्र्यांनी दाखवला हिरवा कंदील

भाईंदर : मीरा भाईंदर शहरातून जवळपास तीनशे राम भक्त पायी अयोध्येला जाण्यास निघाले आहेत. या नागरिकांची यात्रा सुरळीत व्हावी म्हणून खुद मुख्यमंत्री एकनाथ शिंदे यांनी मीरा रोड येथे हजेरी लावून त्यांना प्रोत्साहन दिले.

आणखी वाचा

विश्लेषण: पत्राचाळ पुनर्विकास प्रकल्प अखेर मार्गी लागणार… विलंब का? लाभ कुणाला मिळणार?

D. Y. Chandrachud : संजय राऊतांच्या टीकेवर माजी…

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

रिक्षाचालकांच्या मागण्या ऐरणीवर! निवडणुकीच्या तोंडावर रिक्षा पंचायतीकडून जाहीरनाम्याद्वारे उमेदवारांकडे पाठपुरावा

पुणे : पूरम चौकात १६ लाखांचा गुटखा पकडला, टेम्पोचालकाला अटक

Greater Noida : डोळ्यावर शस्त्रक्रिया न करताच हॉस्पिटलने ४५ हजार उकळले; दुसऱ्या डॉक्टरनी तपासल्यानंतर झालं उघड

मीरा भाईंदर शहराचे आमदार प्रताप सरनाईक यांच्या पुढाकाराने जवळपास ३०० राम भक्त रविवारी अयोध्येच्या दिशेने पायी निघाले आहेत. ४७ दिवसाचा प्रवास करून हे २२ जानेवारी रोजी राम मंदिराच्या उदघाटन प्रसंगी तिथे पोहचणार आहेत. त्यामुळे या प्रवासाची सुरुवात करण्यासाठी मुंबई-अहमदाबाद महामार्गांवरील सगनाई नाका येथे विशेष कार्यक्रमाचे आयोजन करण्यात आले होते. या कार्यक्रमाला मुख्यमंत्री एकनाथ शिंदे यांनी विशेष उपस्थिती दर्शवली.

आणखी वाचा-पंतप्रधान नरेंद्र मोदी यांच्या विकसित भारत संकल्प यात्रा कार्यक्रमात राष्ट्रध्वजाचे उलटे छायाचित्र

राम भक्ताचे मनोबल वाढावे म्हणून शिंदे यांनी त्यांच्याशी संवाद साधला. यावेळी मोदीच्या प्रयत्नांमुळे बाळासाहेबांचे स्वप्न असलेले राम मंदिर प्रत्यक्षात उभे राहिल्याचा आनंद त्यानी व्यक्त केला. याशिवाय मोदीच्या पुढाकारे चांगली कामे होत असून याने जगभर आपल्या देशाचे कौतुक होत आहे. यापूर्वी केवळ ‘घर घर मोदी’ अशी घोषणा होती. मात्र आता ‘मन मन मोदी’ म्हणाची वेळ आली असल्याचे ते म्हणाले. तर आता देश भरात एकार्थी राम राज्य आले आल्याचा दावा शिंदे यांनी केला.