डांबर प्रकल्प बंद असल्याने कल्याण-डोंबिवलीतील नागरिकांचा खड्ड्यातून प्रवास

संध्याकाळी पाच नंतर वाऱ्याचा जोर असल्याने दुर्दशा झालेल्या रस्त्यावरुन वाहने धावत असताना धुळीचा उधळा हवेत उडतो. या रस्त्यांच्या दुतर्फा असलेल्या सोयाट्यांमधील रहिवासी, दुचाकी स्वार या धुळीने हैराण आहेत. काचा उघड्या ठेऊन प्रवास करणाऱ्या चारचाकी वाहन चालक, प्रवाशांना या धुळीचा त्रास होत आहे.पावसाळ्यापूर्वी आणि त्यानंतर रस्त्यावरील खड्डे भरणीची कामे करण्यासाठी पालिकेने जूनमध्ये ठेकेदार नेमले. १२ कोटी रुपये या कामांसाठी प्रस्तावित आहेत. गेल्या दोन महिन्यांपासून पडलेल्या मुसळधार पावसाने रस्त्यांची चाळण केली आहे. मुसळधार पावसामुळे ठेकेदारांनी खडी, माती, सिमेंटचा गिलावा भरुन तात्पुरत्या स्वरुपात खड्डे भरले आहेत.

आणखी वाचा

अन्वयार्थ : हजार कोटी सापडले, त्याचे पुढे काय झाले?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

कॅनडात शिक्षणासाठी जाणे कठीण, फास्ट ट्रॅक व्हिसावर घातली बंदी; याचा भारतीय विद्यार्थ्यांवर काय परिणाम होणार?

लोकजागर : सामान्य पुणेकरांना ‘व्हीआयपी’ रस्ते मिळतील का?

एपीएमसी परिसर वाहतूक कोंडीमुक्त; वाहतूक पोलिसांच्या उपाययोजनांमुळे नागरिकांना दिलासा

जम्मू-काश्मीरला विशेष राज्याचा दर्जा देण्याचा ठराव मंजूर; विधानसभेत जोरदार खडाजंगी

गव्हाण स्थानकाचे काम अपूर्णच! लोकल स्थानकात थांबण्याची प्रवाशांना अद्याप प्रतीक्षाच

हेही वाचा >>>डोंबिवली रेल्वे स्थानकाजवळील पाटकर रस्त्यावरील स्कायवॉकखाली दुचाकींचा बेकायदा वाहनतळ

आता महिनाभरापासून पाऊस गायब आहे. गणेशोत्सव जवळ येतोय. आयुक्त डाॅ. भाऊसाहेब दांगडे यांनी गणेशोत्सवापूर्वी शहरातील रस्ते सुस्थितीत करण्याचे आदेश ठेकेदारांना दिले आहेत. परंतु, रस्ते देखभाल करणाऱ्या ठेकेदारांचे डांबर प्रकल्प पावसाळ्यात बंद ठेवले जातात. त्यामुळे रस्त्यावर टाकण्यासाठी ठेकेदारांकडे सध्या डांबर उपलब्ध नाही. बहुतांशी डांबर प्रकल्प नवी मुंबई भागात आहेत. हे प्रकल्प पावसाळ्यात सुरू ठेवले तर तेथील सयंत्र बिघडतात आणि आवश्यक त्या गुणवत्तेत डांबर उपलब्ध होत नाही. त्यामुळे ठेकेदार डांबर प्रकल्प बंद ठेवणे पसंत करतात, असे एका माहितगाराने सांगितले.

हेही वाचा >>>डोंबिवलीत वाढदिवसाच्या दिवशी वडिलांची पत्नी, मुलांना मारहाण

कल्याण डोंबिवली पालिका ह्द्दीत रस्ते देखभालीची कामे करणाऱ्या बहुतांशी ठेकेदारांचे डांबर प्रकल्प बंद आहेत. त्यामुळे पाऊस जाऊनही ठेकेदारांनी शहरातील रस्ते सुस्थितीत करण्याची कामे अद्याप हाती घेतली नसल्याचे समजते. आता हे ठेकेदार पालिकेकडून कानउघडणी झाली की मोठ्या ठेकेदारांकडून उसनवारीकरुन डांबर आणून रस्त्यावर ओतण्याचे काम करतात, असे समजते. पालिकेच्या बांधकाम विभागातील एका वरिष्ठ अधिकाऱ्याने पावसाळ्यात ठेकेदारांचे डांबर प्रकल्प बंद असतात. आता पावसाचे प्रमाण कमी झाल्याने ते सुरू होतील. शहरातील रस्ते सुस्थितीत करण्याची कामे लवकरच हाती घेतली जातील.