Coronavirus : ‘त्या’ पोलीस कर्मचाऱ्यामुळे चिंता

दोन दिवसांपूर्वी अंबरनाथ पोलीस ठाण्यातील एका २९ वर्षीय पोलीस कर्मचाऱ्याला करोनाची बाधा झाल्याचे समोर आले होते. या प्रकारामुळे अंबरनाथ पोलीस ठाण्यातील अनेक कर्मचाऱ्यांच्या करोना चाचण्या करण्यात आल्या. त्यातील काही कर्मचाऱ्यांचे अहवाल नकारात्मक आले असून त्यामुळे दिलासा मिळाला आहे.

मात्र हा पोलीस कर्मचारी राहत असलेल्या बदलापूर शहरातील हेंद्रेपाडा परिसरातील काही नागरिकांना विलगीकरणात ठेवण्यात आले आहे. त्यातील काही व्यक्ती या संबंधित नगरसेवकासाठी मदतकार्य करणारे असल्याचे समजते आहे.