ठाणे जिल्ह्यात लसीकरण वेगाने

ठाणे : ठाणे जिल्ह्यात लशीच्या तुटवड्यामुळे मागील काही दिवसांपासून रडतखडत सुरू असलेल्या लसीकरण मोहिमेला आता वेग आल्याचे चित्र आहे. आतापर्यंत जिल्ह्यात २९ लाख ७१ हजार १६५ नागरिकांनी लशीची पहिली मात्रा घेतला असून त्यामध्ये १० लाख ६६१ नागरिकांची लशीची दुसरी मात्रा पूर्ण झाला आहे. राज्य शासनाकडून जिल्ह्याला गेल्या दोन आठवड्यांपासून सातत्याने लस साठा उपलब्ध होत असल्यामुळे लसीकरण वेगाने सुरू असल्याची माहिती जिल्हा आरोग्य विभागाकडून देण्यात आली. जिल्ह्याला रविवारी ७८ हजार लशींचा साठा उपलब्ध झाला असून सोमवारीही मोठ्या संख्येने लसीकरण केंद्रे सुरू असल्याचे पाहायला मिळाले.  ठाणे जिल्ह्यात पूर्वी आठवड्यातून एक ते दोन वेळाच ५० ते ६० हजार लशीचा साठा प्राप्त होत होता. हा साठा लाभार्थी नागरिकांच्या तुलनेत कमी असल्यामुळे याचे महापालिका तसेच जिल्हा परिषद निहाय्य वितरण करताना जिल्हा आरोग्य विभागासमोर पेच निर्माण होत. अवघ्या एक ते दोन दिवसात हा साठा संपत असे त्यानंतर, नवीन साठा उपलब्ध होईपर्यंत जिल्ह्यातील अनेक केंद्रे बंद ठेवण्याची वेळ महापालिका आणि जिल्हा परिषद प्रशासनावर येत होती. करोना प्रतिबंधक लशीच्या दोन डोस पूर्ण झालेल्या नागरिकांना रेल्वे प्रवासातून प्रवास करण्यास परवानगी दिली असल्यामुळे नागरिकांची लसीकरण केंद्रांवर गर्दी वाढली आहे.

लसीकरण केंद्रांवर पुरेशा

प्रमाणात लससाठा उपलब्ध होत नसल्यामुळे या ठिकाणी गोंधळाची परिस्थिती निर्माण होत होती. मात्र, मागील दोन आठवड्यांपासून जिल्ह्यात राज्य शासनाकडून आठवड्याला एक ते दीड लाख लशींचा साठा उपलब्ध होत असून दिवसाला १५ हजारांहून अधिक नागरिकांचे लसीकरण होत आहे. आतापर्यंत जिल्ह्यात २९ लाख ७१ हजार १६५ नागरिकांनी लशीचा पहिला डोस घेतला असून

त्यामध्ये १० लाख ६६१ नागरिकांचा लशीची दुसरी मात्रा पूर्ण झाला आहे. जिल्ह्यात रविवारी ७८ हजार लशीचा साठा उपलब्ध झाला आहे. यामध्ये १३ हजार कोव्हॅक्सिन तर, ६५ हजार कोव्हिशिल्ड लशींचा समावेश आहे.