डोंबिवली रेल्वे स्थानकाजवळ हुक्का मेजवानी करणाऱ्या तीन जणांवर गुन्हा

डोंबिवली: डोंबिवली पूर्व रेल्वे स्थानका जवळील पाटकर रस्त्यावर शुक्रवारी मध्यरात्री हुक्का मेजवानी करणाऱ्या तीन अनोळखी इसमांच्या विरुध्द रामनगर पोलिसांनी गुन्हा दाखल केला आहे. तीन जण रिक्षा चालक असल्याची चर्चा आहे. पोलीस त्यांचा शोध घेत आहेत.

आणखी वाचा

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

महायुतीला सत्ता मिळाली, लाडक्या बहिणींना २१०० रुपये कधीपासून…

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

मित्राचा खून करून पसार झालेला आरोपी गजाआड, ससून रुग्णालय परिसरात कारवाई

मुंबई : गस्तीवर असलेल्या पोलीस अधिकाऱ्यावर हल्ला

डोंबिवली रेल्वे स्थानकाजवळ कॅनरा बँकेसमोरील पाटकर रस्त्यावर तीन इसम शुक्रवारी रात्री भांड्यात जळता कोळश्याचा निखारा घेऊन एका पाईपद्वारे हुक्का सेवनाचा आनंद घेत होते. सार्वजनिक ठिकाणी सुरक्षिततेची कोणतीही काळजी न घेता हा प्रकार तीन जणांकडून सुरू होता. निखारा प्रज्वलित होऊन आग लागली तर सार्वजनिक मालमत्तेला धोका निर्माण होणार होता.

आणखी वाचा-कल्याण-डोंबिवली पालिकेत दर सोमवारी जनता दरबार

रात्रीच्या वेळेत सुरू असलेला हा प्रकार रेल्वे स्थानकातून घराकडे निघालेले प्रवासी पाहत होते. उघड्यावर जाळ करुन तीन जण बिनधास्त हुक्का मेजवानी करत असल्याचे पाहून अनेकांना धक्का बसला. एका जागरुक नागरिकाने ही माहिती रामनगर पोलिसांना दिली. पोलीस येण्यापूर्वीच तीन जण पळून गेले.

दिवा येथील एक कामगार सागर पाटील यांच्या तक्रारीवरुन पोलिसांनी तीन अनोळखी इसमांविरुध्द गुन्हा दाखल केला आहे. इंदिरा चौक, पाटकर रस्ता भागातील सीसीटीव्ही कॅमेरे तपासून पोलीस आरोपींचा शोध घेत आहेत. हुक्का मेजवानी करणारे रिक्षा चालक असण्याचा संशय व्यक्त केला जात आहे.