डोंबिवलीतील शिंदे समर्थक दीपेश म्हात्रे यांचा उद्धव बाळासाहेब ठाकरे पक्षात प्रवेश

शिंदे शिवसेनेतील एकही तगडा नगरसेवक, पदाधिकारी दीपेश म्हात्रे यांच्या सोबत गेला नाही. कल्याण पूर्वेतील विधानसभेसाठी निवडणूक लढविणारे काही होतकरू यावेळी ठाकरे पक्षात प्रवेशाची शक्यता होती. त्यांनीही माघार घेतल्याचे चित्र होते. गेल्या महिन्यापासून दीपेश यांनी डोंबिवलीतील १२ हून अधिक नगरसेवक घेऊन ठाकरे पक्षात प्रवेशाची व्यूहरचना आखली होती. भाजप, शिवसेनेसह अनेक पदाधिकाऱ्यांच्या गाठीभेटी त्यांनी घेतल्या होत्या. या सर्वांनी दीपेश यांना समर्थन देण्यास नकार दिल्याचे चित्र रविवारी होते.

नक्की वाचा

ठाकुर्ली, चोळेगाव हद्दीत शिवसेनेचे दीपेश म्हात्रे यांचे जाहिरात फलक लावण्यास बंदी; चोळेगाव ग्रामस्थांचा निर्णय

Bigg Boss Marathi 5: सर्व एलिमिनेटेड सदस्यांची घरात…

Tensions in Goa: संघाच्या माजी नेत्यामुळं गोव्यात तणाव; ख्रिश्चन समुदायाकडून आंदोलन तर राहुल गांधींची भाजपावर टीका

Kirit Somaiya : “मला न विचारताच घोषणा”, किरीट सोमय्यांनी भाजपाचा आदेश धुडकावला; म्हणाले, “पुन्हा अशी वागणूक…”

Maharashtra Election 2024 : “महाराष्ट्र विधानसभा निवडणुकीची तारीख…”, निवडणूक आयुक्त राजीव कुमार यांनी काय सांगितलं?

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

LokPoll Survey: महाराष्ट्रात लोकसभेची पुनरावृत्ती होणार; मविआला १४१ ते १५४ जागा, तर महायुतीला…

Mumbai University Senate Election 2024 Result: पक्षफुटीनंतरही आम्ही सिनेटमध्ये निवडून आलो; दहापैकी नऊ जागा जिंकल्यानंतर वरुण सरदेसाईंची टीका

हेही वाचा – पंतप्रधानांच्या दौऱ्यावर मुख्यमंत्र्यांची छाप

डोंबिवलीतील उद्धव बाळासाहेब ठाकरे पक्षातील कल्याण लोकसभा जिल्हाप्रमुख सदानंद थरवळ, ज्येष्ठ नगरसेवक तात्यासाहेब माने, महिला नेत्या वैशाली दरेकर यांसह कोणीही पदाधिकारी दीपेश यांच्यासोबत उपस्थित नव्हता. ठाकरे गटातील निष्ठावान शिवसैनिकांनी यापूर्वीच दीपेश यांच्या पक्षप्रवेशाविषयी तीव्र नाराजी व्यक्त केली होती. सार्वजनिक बांधकाम मंत्री रवींद्र चव्हाण, खा. डाॅ. श्रीकांत शिंदे यांंनी आपल्या पक्षातील एकही नगरसेवक दीपेश सोबत जाऊ नये म्हणून रात्रीपासून संबंधितांवर पाळत ठेवली होती, असे समजते. रविवारी सकाळी १०० हून अधिका वाहनांचा ताफा घेऊन शेकडो कार्यकर्त्यांसह दीपेश म्हात्रे मातोश्री येथे पोहोचले होते.

लोकसभेतच धडा

तुम्हाला शिवसेनेत काही अनुभव आले म्हणून तुम्ही आता आमच्या सोबत आला आहात. हीच कृती जर तुम्ही अगोदर केली असती तर आपण कल्याण लोकसभा निवडणुकीच्यावेळीच आपली ताकद दाखवून दिली असती. शिवसेनेजवळ सत्ता, पैसा, गुंडाशाही असूनही आपल्या एका भगिनीला चार लाख मते या मतदारसंघात मिळाली. त्यामुळे आपण यापूर्वीच सोबत असता तर मुख्यमंत्री पुत्राला या मतदारसंघात आपण धूळ चारली असती, असे पक्षप्रमुख उद्धव ठाकरे यांनी सांगितले.

साम, दाम, दंड, भेद वापरून डोंबिवली, कल्याण परिसरात आपण पक्ष वाढविण्यासाठी ताकदीने प्रयत्न करू. सत्ताधारी पक्षातील असूनही आमच्यावर सत्तेचा वापर करून गुन्हे दाखल करण्यात आले. अनेक नगरसेवक ठाकरे पक्षात येण्यास इच्छुक आहेत. त्यासाठी आपण प्रयत्न करू, असे दीपेश म्हात्रे म्हणाले.

हेही वाचा – ठाकुर्ली, चोळेगाव हद्दीत शिवसेनेचे दीपेश म्हात्रे यांचे जाहिरात फलक लावण्यास बंदी; चोळेगाव ग्रामस्थांचा निर्णय

पाटील युवा जिल्हाध्यक्ष

युवासेना कल्याण लोकसभा जिल्हाध्यक्षपदी जितेन पाटील यांची युवासेनेचे कार्याध्यक्ष पूर्वेश सरनाईक यांनी तातडीने नियुक्ती केली. हे पद यापूर्वी दीपेश यांच्याकडे होते. दीपेश म्हात्रे वजनदार नेते होते, पण त्यांच्या जाण्याने शिवसेनेवर कोणताही फरक पडणार नाही, असे आमदार विश्वनाथ भोईर यांनी सांगितले.