अपंग आणि मूक मुलीच्या आजारपणाला घरचे वैतागले, हत्येला सीसीटीव्हीमुळे फुटली वाचा, आजी आणि आई विरोधात गुन्हा दाखल

परंतु मुलीला उपचारासाठी वाई येथे नेण्यात आल्याचे तिच्या कुटुंबाकडून सांगितले जात होते. दरम्यान, रविवारी त्यांच्या नातेवाईकांच्या मोबाईल क्रमांकावर एक सीसीटीव्ही चित्रीकरण प्राप्त झाले. त्यामध्ये आजी, मुलीची आई आणि मुलीच्या आईची मैत्रिण एका पांढऱ्या कपड्यामध्ये मृतदेह नेत असल्याचे दिसले. या घटनेनंतर तिच्या नातेवाईकांनी तात्काळ याप्रकरणात नौपाडा पोलीस ठाण्यात तक्रार दाखल केली. या तक्रारीनंतर पोलिसांनी आजीला ताब्यात घेऊन अटक केली. १५ फेब्रुवारीपासून मुलीची प्रकृती ढासळत होती. त्यामुळे तिला प्रचंड वेदना होत होत्या. रात्री-अपरात्री ती आरडाओरड कर असे. या त्रासाला कंटाळून तिच्या आईने तिला कसले तरी औषध दिले. हे औषध घेतल्याने तिचा मृ्त्यू झाल्याचे प्राथमिक तपासात समोर आले आहे. या प्रकरणात हत्येचा गुन्हा दाखल झाला आहे.

सीसीटीव्हीमध्ये काय दिसले

मुलीचा मृत्यू झाल्यानंतर मुलीची आईने एक मोटार नोंद केली होती. मोटार घराबाहेर आल्यानंतर तिघींनी तिचा मृतदेह बाहेर काढून मोटारीत भरला. आजी आणि आई देखील मोटारीत बसले. ते वाई येथे पोहचल्यानंतर एका स्मशानभूमीत मुलीच्या मृतदेहावर अंत्यसंस्कार करण्यात आले. तीन ते चार दिवस उलटूनही एका मुलीची हत्या झाल्याबाबत कोणतीही माहिती नव्हती. परंतु सीसीटीव्ही चित्रीकरण प्रसारित झाल्यानंतर हा हत्येचा प्रकार समोर आला आहे.