डोंबिवली – पलावा गृहप्रकल्पालगतच्या तळोजा-खोणी रस्त्यावर प्रवाशांना लुटण्याचे प्रमाण वाढू लागले आहे. या रस्त्यावरून यापुढे जायचे की नाही असा प्रश्न प्रवाशांना पडू लागला आहे. गेल्या काही महिन्यांमध्ये ओला उबर चालक, दुचाकी स्वार, खासगी मोटार चालक यांना भामट्यांनी लुटल्याच्या घटना ताज्या असताना बुधवारी सकाळी नऊ वाजता खोणी भागातील एका नागरिकाला दोन भामट्यांनी लुटून त्यांच्या जवळील एक लाखाची सोनसाखळी घेऊन पलायन केले आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

भगवान रामा काळोखे (५८, रा. पागऱ्याचापाडा, खोणी, पलावा) असे लुटलेल्या प्रवाशाचे नाव आहे. ३५ वयोगटातील दोन तरुणांनी हा लुटमारीचा प्रकार तळोजा-खोणी रस्त्यावर केला आहे. कल्याण, बदलापूर, डोंबिवली परिसरातील बहुतांशी नोकरदार, व्यावसायिक तळोजा-खोणी रस्त्याने पनवेल, नवी मुंबई भागात जातात. सर्वाधिक वर्दळीचा हा रस्ता आहे. तरीही या भागात दिवसा, रात्री लुटमारीच्या घटना वाढल्या आहेत. भगवान काळोखे हे पागऱ्याचापाडा येथील बाजारातून मटण खरेदी करून दुचाकीवरून बुधवारी सकाळी नऊ वाजता घरी येत होते. त्यावेळी त्यांना दुचाकीवरून दोन इसम येत असल्याचे दिसले. त्या इसमांनी काळोखे यांना थांबण्यास सांगितले. त्यांची आणि वाहनाची कागदपत्रे मागण्यास सुरुवात केली. आम्ही पोलीस आहोत. आम्ही वाहनांची तपासणी सुरू केली आहे असे काळोखे यांना सांगितले.

आणखी वाचा

हेही वाचा – डोंबिवली एमआयडीसीत काँक्रीटच्या रस्त्याला तडे, दोन महिन्यांपूर्वी तयार केलेला रस्ता खराब

दुचाकीवरून फिरताना गळ्यात मौल्यवान ऐवज घालून कधीही फिरायचे नाही असा सल्ला भगवान काळोखे यांना तोतया पोलिसांनी दिला. काळोखे यांच्या गळ्यातील पाच तोळ्याची एक लाख रुपये किमतीची सोनसाखळी तोतया पोलिसांनी स्वत: काढून ती कागदात गुंडाळली. ती काळोखे यांच्या खिशात ठेवत आहोत, असा अभास तयार केला. त्या बदल्यात तोतया पोलिसांनी स्वत:जवळील कागदात गुंडाळलेले दगड काळोखे यांच्या खिशात ठेवले. पोलिसांनी आपल्या खिशात आपली सोनसाखळी ठेवली आहे असे काळोखे यांना वाटले. दोन्ही भामट्यांनी काळोखे यांना जाण्यास सांगितले व स्वत:ही तेथून निघून गेले.

हेही वाचा – श्वानावर अनैसर्गिक अत्याचार, भारतीय न्याय संहितेत कलमाबाबत अस्पष्टता

घरी गेल्यावर काळोखे यांना आपल्या खिशात सोनसाखळी ऐवजी दगड ठेवले असल्याचे दिसले. तात्काळ ते पुन्हा दुचाकीने तळोजा खोणी रस्त्यावर आले. तोपर्यंत दोन्ही तोतया पोलीस पळून गेले होते. याप्रकरणी काळोखे यांनी मानपाडा पोलीस ठाण्यात तक्रार केली आहे.

भगवान रामा काळोखे (५८, रा. पागऱ्याचापाडा, खोणी, पलावा) असे लुटलेल्या प्रवाशाचे नाव आहे. ३५ वयोगटातील दोन तरुणांनी हा लुटमारीचा प्रकार तळोजा-खोणी रस्त्यावर केला आहे. कल्याण, बदलापूर, डोंबिवली परिसरातील बहुतांशी नोकरदार, व्यावसायिक तळोजा-खोणी रस्त्याने पनवेल, नवी मुंबई भागात जातात. सर्वाधिक वर्दळीचा हा रस्ता आहे. तरीही या भागात दिवसा, रात्री लुटमारीच्या घटना वाढल्या आहेत. भगवान काळोखे हे पागऱ्याचापाडा येथील बाजारातून मटण खरेदी करून दुचाकीवरून बुधवारी सकाळी नऊ वाजता घरी येत होते. त्यावेळी त्यांना दुचाकीवरून दोन इसम येत असल्याचे दिसले. त्या इसमांनी काळोखे यांना थांबण्यास सांगितले. त्यांची आणि वाहनाची कागदपत्रे मागण्यास सुरुवात केली. आम्ही पोलीस आहोत. आम्ही वाहनांची तपासणी सुरू केली आहे असे काळोखे यांना सांगितले.

आणखी वाचा

हेही वाचा – डोंबिवली एमआयडीसीत काँक्रीटच्या रस्त्याला तडे, दोन महिन्यांपूर्वी तयार केलेला रस्ता खराब

दुचाकीवरून फिरताना गळ्यात मौल्यवान ऐवज घालून कधीही फिरायचे नाही असा सल्ला भगवान काळोखे यांना तोतया पोलिसांनी दिला. काळोखे यांच्या गळ्यातील पाच तोळ्याची एक लाख रुपये किमतीची सोनसाखळी तोतया पोलिसांनी स्वत: काढून ती कागदात गुंडाळली. ती काळोखे यांच्या खिशात ठेवत आहोत, असा अभास तयार केला. त्या बदल्यात तोतया पोलिसांनी स्वत:जवळील कागदात गुंडाळलेले दगड काळोखे यांच्या खिशात ठेवले. पोलिसांनी आपल्या खिशात आपली सोनसाखळी ठेवली आहे असे काळोखे यांना वाटले. दोन्ही भामट्यांनी काळोखे यांना जाण्यास सांगितले व स्वत:ही तेथून निघून गेले.

हेही वाचा – श्वानावर अनैसर्गिक अत्याचार, भारतीय न्याय संहितेत कलमाबाबत अस्पष्टता

घरी गेल्यावर काळोखे यांना आपल्या खिशात सोनसाखळी ऐवजी दगड ठेवले असल्याचे दिसले. तात्काळ ते पुन्हा दुचाकीने तळोजा खोणी रस्त्यावर आले. तोपर्यंत दोन्ही तोतया पोलीस पळून गेले होते. याप्रकरणी काळोखे यांनी मानपाडा पोलीस ठाण्यात तक्रार केली आहे.