डोंबिवलीत बुलेट चालकांचा धुमाकूळ, बुलेटच्या धडकेत आजोबा, नातू गंभीर जखमी

डोंबिवलीत गेल्या काही दिवसांपासून बुलेट चालकांनी धुमाकूळ घातला आहे. शहरातील सर्वाधिक वर्दळीच्या रस्त्यावरुन कर्णकर्कश आवाज करत बुलेट स्वार आपण विमान चालवितो अशा अविर्भावात बुलेट चालवितात. अनेक वेळा बुलेट मालकाची मुलेच बुलेटवर अधिक असतात. त्यामुळे वाट्टेल तशा वेगाने बुलेट चालवून ते अपघाताला आमंत्रण देत आहेत. गेल्या वर्षी कल्याण, डोंबिवलीत वाहतूक विभागाने बुलटे तपासणी मोहीम हाती घेतली होती. त्याचप्रमाणे आता बुलेट चालकांचा धुमाकूळ वाढल्याने या वाहनांची तपासणी मोहीम हाती घेण्याची मागणी नागरिकांकडून केली जात आहे. डोंबिवली पूर्वेत सावरकर रस्ता, फडके रस्ता, पश्चिमेत दिनदयाळ रस्ता, गणेशनगर रस्ता, ९० फुटी रस्त्यावर बुलेट चालकांची बुलेट चालविण्याची स्पर्धा लागते. या वेळी बुलेट चालकाचे नियंत्रण सुटले की दिसेल त्या वाहनाला धडक देतो. यामधून अपघात होत आहेत.

आणखी वाचा

छत्रपती संभाजीनगर : फुलंब्रीतील दुकानात आगीनंतर भडका; तिघांचा मृत्यू, दोघे गंभीर

Sushma Andhare : “माझी प्रिय भावजय” म्हणत सुषमा…

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

बैलाने मारली उडी अन् स्कूटर चालक गेला ट्रकच्या खाली, पुढे नेमकं काय घडलं? पाहा धक्कादायक VIDEO

खेड परशुराम घाटात दाट धुक्यामुळे चार वाहनांचा विचित्र अपघात; वाहनांचे मोठे नुकसान तर जीवितहानी टळली

कोवळ्या वयात एवढा राग…मुंबईत अल्पवयीन मुलाकडून आईवर चाकूने हल्ला, महिलेवर शीव रुग्णालयात उपचार सुरू

मिरा रोड येथे भाजी विक्रेत्याची गळा चिरून हत्या

एजेवर येणार मोठे संकट, श्वेताच्या ‘त्या’ कृतीमुळे होणार अटक; ‘नवरी मिळे हिटलरला’ मालिका नव्या वळणावर

हेही वाचा >>> ठाणे जिल्हा रुग्णालय नुतनीकरणात बाधित होणाऱ्या ४७ वृक्षांचे होणार पुर्नरोपण

टिळकनगर पोलिसांनी सांगितले, पांडुरंग निकम (५६, रा. तिसाई मंदिराजवळ, कल्याण) हे गुरुवारी रात्री साडे आठ वाजता ठाकुर्लीतील ९० फुटी रस्त्याने आपल्या नातवाला स्कुटीवर बसवून रस्त्याच्या एका बाजुने कल्याण दिशेने चालले होते. स्कुटी ९० फुटी रस्त्यावरील सर्वाेदय मंगल इमारती मधील डीएनएस बँकेसमोर येताच अचानक पाठीमागून भरधाव वेगाने एक बुलेट (पिवळ्या रंगाची) स्वार वेगाने कर्णकर्कश आवाज करत आला. तो बाजुने जाईल असे वाटले असतानाच बुलेट चालकाने पांडुरंग यांच्या दुचाकीला पाठीमागून जोराने ठोकर दिली. पांडुरंग नातवासह दुचाकीवरुन फेकले गेले. ते रस्त्याच्या बाजुला पडले. आजोबा, लहान मुल रस्त्याच्या बाजुला आपल्या चुकीमुळे पडले आहे म्हणून मदत करण्याऐवजी बुलेट स्वार घटनास्थळावरुन पळून गेला. त्या भागातून एक रिक्षा चालक, पादचारी रोहित शर्मा तेथून चालले होते. त्यांनी पांडुरंग, त्यांचा नातू यांना तात्काळ रिक्षेतून रुग्णालयात दाखल केले. पांडुरंग यांच्या तक्रारीवरुन पोलिसांनी अज्ञात बुलेट चालका विरुध्द गुन्हा दाखल केला आहे. पोलिसांनी परिसरातील सीसीटीव्ही तपासून बुलेट स्वाराचा तपास सुरू केला आहे.