लोकसत्ता खास प्रतिनिधी
डोंबिवली- डोंबिवली शहराच्या विविध भागात महानगर गॅसकडून घरगुती गॅस पुरवठा करण्याचे काम मागील काही वर्षापासून सुरू आहे. पहिल्या टप्प्यात एमआयडीसी भागात घरगुती गॅस पुरवठा झाला. आता मानपाडा रस्त्यावरील डी मार्ट भागातील भोपर परिसरातील १९८ घरांना महानगरकडून घरगुती गॅस पुरवठा सुरू झाला आहे.
भोपर येथील सर्वोदय आनंद सोसायटी संकुलातील १९८ घरांमध्ये बुधवारी सकाळी वाहिनीव्दारे घरगुती गॅस पुरवठा होताच महिला वर्गाने आनंद व्यक्त केला. कल्याण लोकसभेचे खा. डॉ. श्रीकांत शिंदे काही वर्षापासून डोंबिवली शहराच्या विविध भागात महानगर गॅसचा घरगुती गॅस पुरवठा घराघरात सुरू झाला पाहिजे यादृ्ष्टीने प्रयत्नशील आहेत. हा प्रकल्प डोंबिवलीत सुरू होण्यासाठी खा. शिंदे यांनी केंद्र स्तरावर प्रयत्न केले होते. या प्रयत्नामुळे या गॅस प्रकल्पाला येणारे अनेक अडथळे खा. शिंदे यांच्या प्रयत्नाने दूर झाले आहेत.
आणखी वाचा-डोंबिवलीत मानपाडा रस्त्यावरील फेरीवाल्यांचा वाहतुकीला अडथळा
मानपाडा रस्त्याचा काही भाग सार्वजनिक बांधकाम विभागाच्या अखत्यारीत येतो. त्यामुळे बांधकाम विभागाकडून महानगर गॅसच्या भुयारी वाहिन्या टाकण्यासाठी रस्त्यामध्ये खोदकाम करणे आवश्यक होते. बांधकाम विभागाकडुन ही मंजुरी मिळण्यात अडचणी होत्या. खा. शिंदे यांनी बांधकाम विभागाच्या वरिष्ठांशी संपर्क करुन हे काम तातडीने मार्गी लागेल यादृष्टीने हालचाली केल्या. रस्ते खोदकामाची बांधकाम विभागाकडून तात्काळ परवानगी मिळाल्यानंतर विहित वेळेत भोपर परिसरात वाहिनीने गॅस पुरवठा करण्याचे काम पूर्ण झाले आहे, असे खासदारांचे कार्यालय प्रमुख प्रफुल्ल देशमुख यांनी सांगितले.
बुधवारी सकाळी भोपर येथील सर्वोदय आनंद सोसायटीला गॅस पुरवठा करणाऱ्या वाहिनीची कळ दाबून गॅस पुरवठा सुरू करण्यात आला. यावेळी १९८ घरांमध्ये एकाचवेळी शेगड्या ज्वलनशील झाल्या. महिला वर्गाने घराबाहेर येऊन आनंदोत्सव साजरा केला. यावेळी शिवसेनेचे उपजिल्हाप्रमुख राजेश कदम, कार्यालय प्रमुख प्रफुल्ल देशमुख, तालुका प्रमुख महेश पाटील, युवा सेनेचे सागर जेधे, सोसायटी अध्यक्ष सुरेश चव्हाण, विकास देसले, आकाश देसले उपस्थित होते.
डोंबिवली- डोंबिवली शहराच्या विविध भागात महानगर गॅसकडून घरगुती गॅस पुरवठा करण्याचे काम मागील काही वर्षापासून सुरू आहे. पहिल्या टप्प्यात एमआयडीसी भागात घरगुती गॅस पुरवठा झाला. आता मानपाडा रस्त्यावरील डी मार्ट भागातील भोपर परिसरातील १९८ घरांना महानगरकडून घरगुती गॅस पुरवठा सुरू झाला आहे.
भोपर येथील सर्वोदय आनंद सोसायटी संकुलातील १९८ घरांमध्ये बुधवारी सकाळी वाहिनीव्दारे घरगुती गॅस पुरवठा होताच महिला वर्गाने आनंद व्यक्त केला. कल्याण लोकसभेचे खा. डॉ. श्रीकांत शिंदे काही वर्षापासून डोंबिवली शहराच्या विविध भागात महानगर गॅसचा घरगुती गॅस पुरवठा घराघरात सुरू झाला पाहिजे यादृ्ष्टीने प्रयत्नशील आहेत. हा प्रकल्प डोंबिवलीत सुरू होण्यासाठी खा. शिंदे यांनी केंद्र स्तरावर प्रयत्न केले होते. या प्रयत्नामुळे या गॅस प्रकल्पाला येणारे अनेक अडथळे खा. शिंदे यांच्या प्रयत्नाने दूर झाले आहेत.
आणखी वाचा-डोंबिवलीत मानपाडा रस्त्यावरील फेरीवाल्यांचा वाहतुकीला अडथळा
मानपाडा रस्त्याचा काही भाग सार्वजनिक बांधकाम विभागाच्या अखत्यारीत येतो. त्यामुळे बांधकाम विभागाकडून महानगर गॅसच्या भुयारी वाहिन्या टाकण्यासाठी रस्त्यामध्ये खोदकाम करणे आवश्यक होते. बांधकाम विभागाकडुन ही मंजुरी मिळण्यात अडचणी होत्या. खा. शिंदे यांनी बांधकाम विभागाच्या वरिष्ठांशी संपर्क करुन हे काम तातडीने मार्गी लागेल यादृष्टीने हालचाली केल्या. रस्ते खोदकामाची बांधकाम विभागाकडून तात्काळ परवानगी मिळाल्यानंतर विहित वेळेत भोपर परिसरात वाहिनीने गॅस पुरवठा करण्याचे काम पूर्ण झाले आहे, असे खासदारांचे कार्यालय प्रमुख प्रफुल्ल देशमुख यांनी सांगितले.
बुधवारी सकाळी भोपर येथील सर्वोदय आनंद सोसायटीला गॅस पुरवठा करणाऱ्या वाहिनीची कळ दाबून गॅस पुरवठा सुरू करण्यात आला. यावेळी १९८ घरांमध्ये एकाचवेळी शेगड्या ज्वलनशील झाल्या. महिला वर्गाने घराबाहेर येऊन आनंदोत्सव साजरा केला. यावेळी शिवसेनेचे उपजिल्हाप्रमुख राजेश कदम, कार्यालय प्रमुख प्रफुल्ल देशमुख, तालुका प्रमुख महेश पाटील, युवा सेनेचे सागर जेधे, सोसायटी अध्यक्ष सुरेश चव्हाण, विकास देसले, आकाश देसले उपस्थित होते.
