डोंबिवली– येथील राजाजी पथ भागात राहत असलेल्या एका सोसायटी मधील एका वृध्देच्या घरातील दोन लाख ५० हजाराचा ऐवज चोरीला गेला होता. रामनगर पोलीस ठाण्यात तक्रार दाखल होताच पोलिसांनी सीसीटीव्ही चित्रण तपासून या घरात काम करत असलेल्या गृहसेविकेनेच ही चोरी केले असल्याचे तपासात उघड केले. या गृहसेविकेला पोलिसांनी अटक केली आहे.
सीमा उर्फ नेहा सदानंद ढोलम (४१) असे गृहसेविकेचे नाव आहे. ती राजाजी पथ भागातील अयप्पा मंदिर परिसरात राहते. पोेलिसांनी सांगितले, राजाजी पथ भागातील एका सोसायटीत छाया साळवी (७०) राहतात. गेल्या शनिवारी त्या पती प्रकाश सोबत डोंबिवलीतील चार रस्ता भागात खरेदीसाठी गेल्या होत्या.
हेही वाचा >>> कल्याण पूर्वेतील वाढती गुन्हेगारी रोखण्यासाठी उपाययोजना करा, नागरिकांच्या पुढाकाराने पोलीस उपायुक्तांना निवेदन
दरम्यानच्या काळात आरोपी गृहसेविका सीमा हिने बनावट चावीच्या साहाय्याने छाया साळवी यांच्या घराचा दरवाजा उघडून कपाटातील अडीच लाख रुपये किमतीचा सोन्याचा ऐवज, रोख रक्कम चोरुन नेली होती. घरी परतल्यावर छाया यांनी कपाट पाहिले तर त्यांना कपाटातील ऐवज गायब असल्याचे दिसले. चोरीची कोणतीही चिन्हे घरात नसताना ऐवज गायब झाल्याने छाया अस्वस्थ होत्या. त्यांनी रामनगर पोलीस ठाण्यात तक्रार केली.
वरिष्ठ पोलीस निरीक्षक नितीन गिते यांनी तात्काळ तपासाचे आदेश अधिकाऱ्यांना दिले. पोलिसांनी परिसरातील सीसीटीव्ही चित्रण तपासले. गृहसेविका सीमा छाया यांच्या घरी येऊन गेल्याचे आढळले.
हेही वाचा >>> डोंबिवली : घरडा सर्कल येथील खडीचा रस्ता बांधकाम विभागाकडून साफ
पोलिसांनी सीमाला ताब्यात घेऊन चौकशी केली. त्यावेळी सीमाने चोरीची कबुली दिली. सीमाने छाया यांचा विश्वास संपादन करुन त्यांच्या घराच्या चाव्या ताब्यात घेऊन त्यावरुन नकली चाव्या तयार करुन त्या स्वताकडे ठेवल्या होत्या. सीमाचे पती आजारी आहेत. आजारपणासाठी पैसे लागतात. तसेच सीमाला महागडे कपडे, दागिने घालण्याची आवड आहे. ही हौस पूर्ण करण्यासाठी तिने ही चोरी केली आहे, असे पोलीस तपासात उघडकीला आले आहे. सीमाकडून पोलिसांनी १५ हजाराची रोख रक्कम, २२ ग्रॅम वजनाचा सोन्याचा हार, १४ ग्रॅम वजनाची अंगठी, दोन बनावट चाव्या जप्त केल्या आहेत.
सीमा उर्फ नेहा सदानंद ढोलम (४१) असे गृहसेविकेचे नाव आहे. ती राजाजी पथ भागातील अयप्पा मंदिर परिसरात राहते. पोेलिसांनी सांगितले, राजाजी पथ भागातील एका सोसायटीत छाया साळवी (७०) राहतात. गेल्या शनिवारी त्या पती प्रकाश सोबत डोंबिवलीतील चार रस्ता भागात खरेदीसाठी गेल्या होत्या.
हेही वाचा >>> कल्याण पूर्वेतील वाढती गुन्हेगारी रोखण्यासाठी उपाययोजना करा, नागरिकांच्या पुढाकाराने पोलीस उपायुक्तांना निवेदन
दरम्यानच्या काळात आरोपी गृहसेविका सीमा हिने बनावट चावीच्या साहाय्याने छाया साळवी यांच्या घराचा दरवाजा उघडून कपाटातील अडीच लाख रुपये किमतीचा सोन्याचा ऐवज, रोख रक्कम चोरुन नेली होती. घरी परतल्यावर छाया यांनी कपाट पाहिले तर त्यांना कपाटातील ऐवज गायब असल्याचे दिसले. चोरीची कोणतीही चिन्हे घरात नसताना ऐवज गायब झाल्याने छाया अस्वस्थ होत्या. त्यांनी रामनगर पोलीस ठाण्यात तक्रार केली.
वरिष्ठ पोलीस निरीक्षक नितीन गिते यांनी तात्काळ तपासाचे आदेश अधिकाऱ्यांना दिले. पोलिसांनी परिसरातील सीसीटीव्ही चित्रण तपासले. गृहसेविका सीमा छाया यांच्या घरी येऊन गेल्याचे आढळले.
हेही वाचा >>> डोंबिवली : घरडा सर्कल येथील खडीचा रस्ता बांधकाम विभागाकडून साफ
पोलिसांनी सीमाला ताब्यात घेऊन चौकशी केली. त्यावेळी सीमाने चोरीची कबुली दिली. सीमाने छाया यांचा विश्वास संपादन करुन त्यांच्या घराच्या चाव्या ताब्यात घेऊन त्यावरुन नकली चाव्या तयार करुन त्या स्वताकडे ठेवल्या होत्या. सीमाचे पती आजारी आहेत. आजारपणासाठी पैसे लागतात. तसेच सीमाला महागडे कपडे, दागिने घालण्याची आवड आहे. ही हौस पूर्ण करण्यासाठी तिने ही चोरी केली आहे, असे पोलीस तपासात उघडकीला आले आहे. सीमाकडून पोलिसांनी १५ हजाराची रोख रक्कम, २२ ग्रॅम वजनाचा सोन्याचा हार, १४ ग्रॅम वजनाची अंगठी, दोन बनावट चाव्या जप्त केल्या आहेत.
