डॉ. बालाजी किणीकरही संपर्काबाहेर; घराबाहेर पोलिसांनी बंदोबस्त वाढवला | Dr Balaji Kinikar lost contact police house security politics vidhanparishad ysh 95

राज्याचे नगरविकास मंत्री आणि शिवसेनेचे नेते एकनाथ शिंदे मंगळवारी संपर्क क्षेत्राच्या बाहेर गेल्यानंतर ठाणे जिल्ह्यातील त्यांचे खंदे समर्थक आमदार डॉ. बालाजी किणीकरही सोमवारी रात्रीपासून संपर्क क्षेत्राच्या बाहेर असल्याचे समोर आले आहे.

डॉ. बालाजी किणीकर यांच्या घराबाहेरील पोलिसांचा वाढलेला बंदोबस्त

अंबरनाथः राज्याचे नगरविकास मंत्री आणि शिवसेनेचे नेते एकनाथ शिंदे मंगळवारी संपर्क क्षेत्राच्या बाहेर गेल्यानंतर ठाणे जिल्ह्यातील त्यांचे खंदे समर्थक आमदार डॉ. बालाजी किणीकरही सोमवारी रात्रीपासून संपर्क क्षेत्राच्या बाहेर असल्याचे समोर आले आहे. त्यामुळे डॉ. किणीकर एकनाथ शिंदे यांच्यासोबत असल्याच्या चर्चांना उधाण आले आहे. मात्र याबाबत त्यांच्या निकटवर्तीयांनी कोणताही दुजोरा दिलेला नाही. मात्र खबरदारी म्हणून अंबरनाथच्या शिवाजीनगर पोलिसांनी डॉ. किणीकर यांच्या घराबाहेर पोलीस बंदोबस्त वाढवला आहे.

ठाणे जिल्ह्यात वर्चस्व असलेल्या राज्याचे नगरविकास मंत्री आणि शिवसेनेचे नेते एकनाथ शिंदे यांच्या संपर्काबाहेर जाण्याने राजकीय तर्कवितर्कांना विधान आले आहे. विशेष म्हणजे त्यांचे समर्थक आमदारही संपर्काबाहेर गेले आहेत. ठाणे जिल्ह्यातील अंबरनाथ विधानसभा मतदारसंघाचे आमदार डॉ. बालाजी किणीकरही संपर्क क्षेत्राच्या बाहेर आहेत. सोमवारी रात्रीपासून त्यांच्यासी संपर्क होऊ शकलेला नाही, असे निकटवर्तीयांनी सांगितले आहे. त्यामुळे डॉ. किणीकर एकनाथ शिंदे यांच्यासोबत गेले असल्याची शक्यता अधिक आहे. खबरदारी म्हणून डॉ. किणीकर यांच्या घराबाहेर अंबरनाथच्या शिवाजीनगर पोलिसांनी बंदोबस्त वाढवला आहे. परिमंडळ चारचे पोलीस उपायुक्त प्रशांत मोहिते यांनी स्थानिक सहायक पोलीस आयुक्त जगदीश सातव आणि शिवाजीनगर पोलीस ठाण्याचे वरिष्ठ पोलीस निरिक्षक मधुकर भोगे यांच्यासह मंगळवारी पाहणी केली. डॉ. किणीकर अंबरनाथ पूर्वेतील बी केबीन रस्त्यावरील निसर्ग ग्रीन या सोसायटीमध्ये राहतात.

आणखी वाचा

बाबा सिद्दीकी हत्या प्रकरण : आकाशदीप गिलला पंजाबमधून अटक

Nana Patole : निकालाआधी राजकीय घडामोडींना वेग; यातच…

maharashtra assembly election 2024 ncp participation in power was certain with shinde rebellion ajit pawar

शिंदे यांच्या बंडाच्या वेळीच राष्ट्रवादीचाही सत्तेत सहभाग निश्चित; अजित पवार यांचा गौप्यस्फोट

Eknath Shinde allegation regarding Mahavikas Aghadi manifesto Jalgaon news

महाविकास आघाडीने जाहीरनामा चोरला; एकनाथ शिंदे यांचा आरोप

collector bro kerala ias officer n prashantha suspended

Kelara IAS Officer: ‘कलेक्टर ब्रो’ IAS अधिकारी निलंबित; वरीष्ठ अधिकाऱ्यावर जाहीररीत्या आगपाखड केल्यावरून कारवाई!

Keral IAS officer: हिंदू-मुस्लीम व्हॉट्सॲप ग्रुप बनवणं महागात पडलं; केरळमध्ये दोन आयएएस अधिकारी निलंबित

Heavy police presence on the occasion of Prime Minister narendra modis visit

पंतप्रधानांच्या दौऱ्यानिमित्त कडक पोलीस बंदोबस्त

शिंदेच्या आशिर्वादाने तिसऱ्यांदा आमदार

राजकारणापासून दूर असलेले आणि पेशाने डॉक्टर असलेले डॉ. बालाजी किणीकर 2009 च्या विधानसभा निवडणूकीत शिवसेनेचा नवा चेहरा म्हणून विधासभेत गेले. त्यांच्या पहिल्या निवडणुकीत त्यांना मोठा पाठिंबा होता. मात्र त्यानंतरच्या दोन विधानसभा निवडणुकीत डॉ. किणीकर यांना पक्षातील एका गटाने अप्रत्यक्ष विरोध केला होता. त्यानंतरही डॉ. किणीकर मोठ्या फरकाने निवडून आले. त्यांच्या विजयामागे एकनाथ शिंदे आणि स्थानिक खासदार डॉ. श्रीकांत शिंदे यांचा मोठा वाटा होता. त्यांच्याच नेतृत्वाखाली डॉ. किणीकर काम करत आहेत. अगदी साधी राहणी असलेले डॉ. किणीकर त्यांच्या सर्वसामान्य कार्यकर्त्यासारख्या वागण्यामुळे मतदारसंघात परिचीत आहेत.

First published on: 21-06-2022 at 13:34 IST

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Dr balaji kinikar lost contact police house security politics vidhanparishad ysh