ठाणे-नेरुळ लोकल सेवा अडीच तास होती ठप्प, ओव्हरहेड वायरमध्ये झाला होता तांत्रिक बिघाड

आज दुपारी पाऊण वाजण्याच्या सुमारास ट्रान्स हार्बल मार्गावरील कोपरखैरणे घणसोली स्टेशन दरम्यान ओव्हरहेड वायर मध्ये तांत्रिक बिघाड झाल्याने लोकल वाहतूक बंद पडली होती . हा बिघाड ठाणे वाशी मार्गिकेवर झाला असला तरी दोन्ही मार्गावरील तसेच ट्रान्स हार्बलची ठाणे पनवेल सेवाही बंद ठेवण्यात आली होती. सुदैवाने आज शनिवार असल्याने अनेक कार्यालय बंद आहेत. त्यात गर्दीच्या वेळी हा प्रकार न झाल्याने प्रवासी संख्या कमी होती. असं असलं तरी या काळात प्रवास करणाऱ्या प्रवाशांना प्रचंड मनस्ताप भोगावा लागला.