एकनाथ शिंदे यांच्या चरित्रग्रंथाचा प्रकाशन सोहळा रद्द; श्री साधकांचे उष्माघाताने निधन झाल्यामुळे कार्यक्रमाच्या निमंत्रकांचा निर्णय

कोकण मराठी साहित्य परिषद, शारदा एज्युकेशन सोसायटी आणि ग्रंथाली प्रकाशन आयोजित ‘योद्धा कर्मयोगी : एकनाथ संभाजी शिंदे’ या चरित्रग्रंथाचा प्रकाशन सोहळा उद्या, मंगळवारी आयोजित करण्यात आला होता. हा सोहळा ठाण्यातील डॉ. काशिनाथ घाणेकर नाट्यगृह येथे ५ वाजता संपन्न होणार होता. या चरित्रग्रंथाच्या प्रकाशनासाठी महाराष्ट्राचे राज्यपाल रमेश बैस, राज्याचे उपमुख्यमंत्री देवेंद्र फडणवीस, माजी मुख्यमंत्री पृथ्वीराज चव्हाण, ज्येष्ठ साहित्यिक पद्मश्री मधु मंगेश कर्णिक, ठाण्याचे पालकमंत्री शंभूराज देसाई, खासदार डॉ. श्रीकांत शिंदे यांच्या हस्ते होणार होता. तसेच गायक अनुप जलोटा, सुरेश वाडकर, सोनू निगम यांच्यासह विविध क्षेत्रांतील मान्यवर, राज्य मंत्रिमंडळातील मंत्री, आमदार, खासदार व अन्य लोकप्रतिनिधी यांच्या उपस्थितीत हा ऐतिहासिक प्रकाशन सोहळा संपन्न होणार होता. परंतु निरुपणकार डॉ. अप्पासाहेब धर्माधिकारी यांच्या महाराष्ट्र भूषण पुरस्कार प्रदान समारंभात काही श्री साधकांचे उष्माघातामुळे निधन झाले असून यामुळेच चरित्रग्रंथाचा प्रकाशन सोहळा रद्द करण्यात आला आहे.

आणखी वाचा

सुलभा गायकवाडांच्या प्रचारासाठी अखेर खासदार शिंदे मैदानात

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

दखल: बायजाबाई यांच्या कर्तृत्वाचा आढावा

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

‘धोका’ टाळण्यासाठी ‘मित्रा’ला साकडे; महायुतीकडून शहरात एकही जागा न लढविणाऱ्या शिवसेनेची (शिंदे) यंत्रणा सक्रिय

Eknath Shinde : एकनाथ शिंदेंच्या कामांना कोपरी पाचपाखाडी मतदारसंघात किती मार्क्स? काय म्हणत आहेत ठाणेकर?

शिवसेना भवनसमोरून सदा सरवणकर यांच्या प्रचारार्थ श्रीकांत शिंदे यांचा रोड शो; महायुतीच्या कार्यकर्त्यांची गर्दी

नवाब मलिक वि. अबू आझमी: मानखूर्दमध्ये दोन मुस्लीम नेत्यांच्या लढतीत शिवसेना शिंदे गटाला लाभ मिळणार?

हेही वाचा – डोंबिवली एमआयडीसीतील उद्योजकांचा मातीच्या ढिगावरून प्रवास; एक महिन्यापासून मातीचा ढीग रस्त्यावरच

निरुपणकार डॉ. अप्पासाहेब धर्माधिकारी यांच्या महाराष्ट्र भूषण पुरस्कार प्रदान समारंभात काही श्री साधकांचे उष्माघातामुळे निधन झाले. या पार्श्वभूमीवर प्रकाशन समारंभ घेणे सयुक्तिक ठरणार नाही. संवेदनशील आणि सुसंस्कृत महाराष्ट्राची तशी परंपरा नाही. त्यामुळे हा प्रकाशन समारंभ तूर्तास लांबणीवर टाकण्यात आला आहे. नजिकच्या काळात निश्चितच हा प्रकाशन समारंभ आपण घेणार आहोत, असे कार्यक्रमाचे निमंत्रक, राज्याचे उद्योग मंत्री उदय सामंत आणि शिवसेना प्रवक्ता नरेश म्हस्के यांनी सांगितले.