कल्याण: शहापूर ग्रामीण भागात विजेचा लपंडाव

काही जणांना आधार कार्ड काढायची असतात. काही जणांना आधार कार्ड मधील पत्ता बदल, मोबाईल-आधार जुळणी करायची असते. काही शाळांमधील कामे असतात. ती ही सर्व कामे ठप्प राहतात. जेवढा वीज पुरवठा बंद राहतो. त्या वेळेत दुकानात आलेला ग्राहक निघून जातो. त्यामुळे आर्थिक नुकसान होते, असे खासगी आस्थापना चालक विनोद सोनावळे यांनी सांगितले. शेतकऱ्यांना शेतीविषय सात बाराउतारा ऑनलाईन माध्यमातून सेवा केंद्रातून मिळतो. वीज पुरवठा बंद असला की शेतकऱ्यांची कुचंबणा होते.

हेही वाचा >>>डोंबिवलीत दत्तनगर भागात भुयारी गटाराचे झाकण तुटल्याने वाहन कोंडी

शहापूर तालुक्यातील शेणवे ते डोळखांब, शेणवे ते किन्हवली भागातील गाव, आदिवासी वाड्यांना खंडित वीज पुरवठ्याचा सर्वाधिक फटका बसत आहे. ग्रामीण भागातील बहुतांशी शाळा माहिती तंत्रज्ञानाने युक्त आहेत. शाळांमध्ये डिजिटल फळे, संगणक यंत्रणा आहे. वीज पुरवठा खंडित झाला की मुलांना या यंत्रणेच्या माध्यमातून शिकवता येत नाही, असे शिक्षकांनी सांगितले. स्थानिक वीज कार्यालयात अभियंते उपस्थित राहत नाहीत. क्षेत्रिय कामासाठी आम्ही बाहेर आहोत, अशी उत्तरे महावितरणचे अभियंते देतात, अशा तक्रारी ग्रामस्थांनी केल्या. स्थानिक तंत्रज्ञ वीज पुरवठा सुरळीत करण्यासाठी प्रयत्न करतात. त्यांचे प्रयत्न तोकडे पडतात. त्यामुळे अनेक वेळा दिवसभर वीज पुरवठा खंडित राहतो.

हेही वाचा >>>डोंबिवलीत क्रेन अंगावरुन गेल्याने पाळीव श्वानाचा चिरडून मृत्यू

शहापूर ग्रामीण, डोंगराळ भागात शेतघरे आहेत. शहरी भागातील रहिवासी कुटुंबासह पावसाळी पर्यटनासाठी शेतघरांवर येतात. वीज पुरवठा नसल्याने त्यांची कुचंबणा होते. रात्रीच्या वेळेत वीज पुरवठा गेला तर डास आक्रमण करतात. अनेक रहिवासी शेतघरांवर येण्यास, रात्रीच्या वेळेत राहण्यास तयार होत नाहीत, असे श्याम पष्टे यांनी सांगितले.