ठाणे: दुचाकींची एकमेकांना धडक, भीषण अपघातात वडिलांचा मृत्यू; मुलगा जखमी

ठाणे येथील मनोरुग्णालयाजवळ दोन दुचाकींमध्ये झालेल्या धडकेत एका ४१ वर्षीय व्यक्तीचा मृत्यू झाला. तर त्यांचा मुलगा गंभीर जखमी झाला आहे. राजेश वाल्मिकी (४१) असे मृताचे नाव असून याप्रकरणी वागळे इस्टेट पोलीस ठाण्यात गुन्हा दाखल करण्यात आला आहे.
मनोरुग्णालयाजवळील साठेवाडी भागात राजेश वाल्मिकी हे त्यांच्या कुटुंबियांसोबत राहत होते. शनिवारी मध्यरात्री राजेश आणि मुलगा आदित्य (१६) हे दोघेही रक्तबंबाळ अवस्थेत स्थानिकांना आढळून आले.