रेल्वे फाटक उघडण्यासाठी भिवंडी जवळील ज्युचंद्र रेल्वे फाटकात प्रवाशांचा गोंधळ

रेल्वे फाटक नियंत्रक गुंजन सिंह यांच्या तक्रारीवरुन सात जणांच्या विरुध्द डोंबिवली लोहमार्ग पोलीस ठाण्यात गुन्हा दाखल करण्यात आला आहे. रोहित विश्वकर्मा (३४, पालघर) साजन सिंग (२८, नायगाव), गौरव सिंग (१९, नायगाव, पालघर), संतोष यादव (२७, रा. पठाणवाडी, मल्हाड, मुंबई), विल्सन डिसोजा (२७, रा. नायगाव), एक अनोळखी महिला व एक पुरुष अशा सात जणांच्या विरुध्द गुन्हा दाखल करुन पोलिसांनी त्यांना अटक केली आहे.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

महायुतीला सत्ता मिळाली, लाडक्या बहिणींना २१०० रुपये कधीपासून…

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

सोलापूर : मोहोळजवळ गांजाची तस्करी; दोन महिलांसह चौघे अटकेत

सायबर फसवणूक करणाऱ्यांना मदत केल्याप्रकरणी आठ जणांना अटक

ठाणे : महिलेला ढकलून मंगळसूत्र चोरणारा अटकेत

हेही वाचा… भिवंडी : खड्ड्यात दुचाकी गेल्याने अपघात, दोनजण जखमी

पोलिसांनी सांगितले, गुरुवारी रात्री एक वाजल्यापासून ज्युचंद्र ते चंद्रापाडा रेल्वे मार्गा दरम्यान देखभाल दुरुस्तीचे काम रेल्वे तांत्रिक विभागाने हाती घेतले होते. रेल्वेचे वरिष्ठ तांत्रिक अधिकारी राज कुमार, कुणाल कुमार, नीलेश साळुंखे, दत्ता पाटील असे अनेक कर्मचारी तेथे तैनात होते. दुरुस्ती कामामुळे ज्युचंद्र येथील रेल्वे फाटक बंद होते. भिवंडी दिशेकडे एक मालगाडी दिवा स्थानकाकडे येण्यासाठी मार्गस्थ होती. या कालावधीत दीड वाजता ह्ंदाई कारमधून सहा जण रेल्वे फाटका जवळ आले. त्यानंतर एक दुचाकी स्वार आला. ते रेल्वे फाटक उघडण्यासाठी मोठ्याने आपल्या वाहनांचे भोंगे वाजवून फाटक उघडण्यासाठी रेल्वे फाटक नियंत्रकाला सांगू लागले. दुरुस्तीचे काम सुरू आहे. भिवंडी जवळ एक मालगाडी उभी आहे. त्यामुळे फाटक उघडता येणार नाही असे नियंत्रक गुंजन सिंग यांनी सांगताच, मोटार, दुचाकीवरील वाहन चालक, प्रवासी रेल्वे मार्गात येऊन गोंधळ घालू लागले. सिंगला शिवीगाळ करू लागले. फाटक उघडा असा त्यांचा आग्रह होता. रेल्वे सुरक्षा जवान उमेश कुमार प्रवाशांची समजूत घालत होते. ते ऐकण्याच्या मनस्थितीत नव्हते.

हेही वाचा… ठाणे : बँकेचा कर्मचारी बोलत असल्याचे सांगून तरुणाची लाखो रुपयांची फसवणूक

प्रवासी आक्रमक झाल्याने गंभीर परिस्थिती निर्माण झाल्याने वालीव पोलिसांना पाचरण करण्यात आले. मालगाडी कामण स्थानकातून कोपर दिशेने निघाली असताना प्रवाशांचा फाटक उघडण्याचा गोंधळ सुरू होता. अखेर फाटक नियंत्रक सिंग यांनी आपत्कालीन परिस्थितीचा दर्शक देऊन मालगाडी थोपवून धरली. या गोंधळात चार वाजले. प्रवाशांच्या गोंधळामुळे मालगाडी दोन तास उशिरा रवाना झाली. सरकारी कामात अडथळा आणल्याबद्दल सात जणांच्या विरुध्द लोहमार्ग पोलीस ठाण्यात गुन्हा दाखल करण्यात आला आहे.