Video : जादूटोण्याच्या संशयावरून वृध्दाला आगीवरून चालवले; मुरबाडमधील धक्कादायक प्रकार, नऊ जणांविरुद्ध गुन्हा

जादूटोणा आणि करणी करण्याच्या संशयावरून एका वृद्ध व्यक्तीला जबरदस्तीने आगीवर नाचायला लावले. याबाबतची एक चित्रफीत प्रसारित होत असून त्यात काही तरुण त्यांना ओढून निखाऱ्यावर चालवत आहेत.

FIR registered, nine persons, Kervele village of murbad, thane district, black magic, senior citizen

जादूटोण्याच्या संशयावरून मुरबाड तालुक्यातील केरवेळे गावातील एका ७५ वर्षांच्या व्यक्तीला आगीतून चालायला लावल्याचा धक्कादायक आणि अमानुष प्रकार समोर आला आहे. लक्ष्मण भावार्थे असे या वृद्ध व्यक्तीचे नाव असून ते या प्रकारात जखमी झाले आहेत. त्यांच्या मुलीने दिलेल्या तक्रारीवरून गावातील नऊ व्यक्तींविरुद्ध मुरबाड पोलीस ठाण्यात गुन्हा दाखल करण्यात आला आहे.

'Gir Mat Jaana': Viral MP Woman's Dance Fails To Impress Netizens funny video goes viral

सोमवारी, ४ मार्च रोजी रात्री मुरबाडच्या केरवेळे गावात जागरण गोंधळाचा कार्यक्रम आयोजित करण्यात आला होता. त्यानिमित्ताने जागरण सुरू असताना त्यातील काही व्यक्ती थेट लक्ष्मण भावार्थे यांच्या घरात शिरले. त्यांनी लक्ष्मण भावार्थे यांना ओढून कार्यक्रमाच्या ठिकाणी आणले. जादूटोणा आणि करणी करण्याच्या संशयावरून त्यांना जबरदस्तीने आगीवर नाचायला लावले. याबाबतची एक चित्रफीत प्रसारित होत असून त्यात काही तरुण भावार्थे यांना ओढून निखाऱ्यावर चालवत आहेत. पुढे. त्यांना त्या निखाऱ्यावर पाडण्यातही आल्याचे दिसते आहे. यावेळी भावार्थे जखमी झाले आहेत. त्यांच्या पायाला फोड आले असून पाठीवरही भाजले आहे. या प्रकारानंतर सर्वत्र संताप व्यक्त केला जात आहे. यातील नऊ जणांविरुद्ध मुरबाड पोलीस ठाण्यात गुन्हा दाखल करण्यात आला आहे.

First published on: 07-03-2024 at 14:44 IST

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Fir registered against nine persons of kervele village of murbad in thane district about black magic on senior citizen forcefully asj