डोंबिवली पलावा वसाहतीमधील अलिशान सदनिकेतून विदेशी वन्यजीव जप्त, ठाणे वन विभागाची कारवाई

सुटका करण्यात आलेल्या वन्यजिवांमध्ये साप, कासव, सरडा, चिंपाझी जातीची माकडे, अजगर यांचा समावेश आहे. पलावा वसाहतीमधील एक्सपेरीया व्यापारी संकुलाजवळील सवरना इमारतीच्या बी विंगमधील आठव्या माळ्यावरील ८०६ क्रमांकाच्या सदनिकेत डांबून ठेवलेले वन्यजीव आढळून आले. सवरना इमारतीमधील सोसायटीमधील रहिवाशांना काही दिवसांपासून खोली क्रमांक ८०६ मध्ये संशयास्पद हालचाली होत असल्याचे निदर्शनास आले होते. काही दिवसांपासून ती सदनिका बंद होती आणि या सदनिकेतून दुर्गंधी येण्यास सुरूवात झाली होती.

नक्की वाचा

मुंबई: राष्ट्रीय उद्यानातील वाघ, बिबट्या पालकांच्या प्रतीक्षेत

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

कल्याणमध्ये रस्ते, पदपथ अडवून हातगाडीवर खाद्यपदार्थ विकणाऱ्यांवर पोलिसांकडून गुन्हे

डोंबिवलीत पाथर्ली येथे पालिकेच्या शैक्षणिक सुविधेच्या आरक्षित भूखंडावर मंडप साहित्याचे बेकायदा गोदाम

सावंतवाडी: सह्याद्रीच्या पट्ट्यात घोटगेवाडी येथे दुर्मिळ उडता सोनसर्प आढळला

१०० किलोमीटरचे अंतर पार करून वाघ सह्याद्री व्याघ्रप्रकल्पात…

उरण : द्रोणागिरी, पुष्पकनगरमध्ये अनधिकृत वाहनतळ, ढाबे

डोंबिवलीकर किलबिल कार्यक्रमाची पोलिसांच्या १०० क्रमांकावर तक्रार

हेही वाचा – ठाणे : वाद सोडविण्यासाठी गेलेल्या तरुणाच्या डोक्यात चाकूने भोसकले

याप्रकरणाची माहिती जागरूक रहिवाशांनी मानपाडा पोलीस, तेथून वन विभागाला देण्यात आली. वन विभागाने आपला सापळा यशस्वी व्हावा अशी व्यूहरचना आखली. ठाणे जिल्ह्याचे उपवनसंरक्षक सचिन रेपाळ यांच्या मार्गदर्शनाखाली साहाय्यक वनसंरक्षक सोनल वळवी, विभागीय वनाधिकारी राजू शिंदे, वनपाल, वन संंरक्षक रोहित भोई, लोहकरे, सावंत, रिंगणे आणि राज्य राखीव पोलीस दलाचे पथक यांनी संयुक्तपणे सवरना इमारतीमधील वन्यजीव डांबून ठेवलेली सदनिका कौशल्याने उघडली.

पथकाने सदनिकेची तपासणी सुरू करताच त्यांना घरातील खोल्यांमध्ये लोखंडी जाळ्यांमध्ये बंदिस्त स्वरुपात डांबून ठेवलेले विविध प्रजातीचे प्रतिबंधित वन्यजीव आढळले. उच्चभ्रू वस्तीत सुरू असलेला हा प्रकार पाहून तपासणी पथक हैराण झाले. अनेक दिवसांपासून सदनिका बंद असल्याने खोलीत दुर्गंधी सुटली होती. सदनिका उघडल्यानंतर या सदनिकेचा ताबेदार किंवा वन्यजिवांची उलाढाल करणारा काळजीवाहक पुढे आला नाही. अनेक दिवसांपासून हे वन्यजीव बंदिस्त असावेत. ते अन्यपाण्याविना भुकेले असावेत, असा अंदाज वनाधिकाऱ्यांनी व्यक्त केला. पथकाने वन्यजीव संरक्षण कायद्याने वन्यजीव जप्त केले. या वन्यजिवांची देखरेख, पोषण करण्यासाठी काही दिवस हे वन्यजीव कल्याणमधील बिरसा मुंडा या स्वयंसेवी संस्थेकडे वन विभागाने सुपूर्द केले.

हेही वाचा – तहानलेल्या वस्त्यांमध्ये प्रचारतही पाणी मुद्द्याची टंचाई, जिल्ह्यातील इतर मतदार संघांमध्ये मात्र पाणीप्रश्नावरून राजकारण तापले

हे प्राणी सोसायटीमध्ये आणले कोणी. या प्राण्यांचा ते काय उपयोग करणार होते. या खोलीचा मालक कोण, या प्राण्यांची तस्करी करण्याच्या उद्देशाने हे प्राणी या खोलीत आणून ठेवले होते का. ते या खोलीपर्यंत कसे आणि कोठून आणले गेले, अशा अनेक माध्यमातून वन विभाग, पोलिसांनी या प्रकरणाचा तपास सुरू केला आहे. वन विभागाने प्रसिद्ध केलेल्या पत्रकात यासंदर्भातची माहिती देण्यात आली आहे.