ठाण्यातील गावदेवी भुमीगत वाहनतळाचे लोकार्पण आचारसंहितेमुळे लांबणीवर

ठाणे रेल्वे स्थानक परिसरात पुरेशा वाहनतळाची सुविधा उपलब्ध नव्हती. यामुळे नागरिक रस्त्याकडेला वाहने उभी करत असल्याने वाहतूक कोंडीची समस्या निर्माण होते. ही समस्या दूर व्हावी यासाठी पालिकेकडून गेल्या काही वर्षांपासून प्रयत्न सुरू होते. त्यातूनच पालिकेने स्मार्ट सिटी योजनेतंर्गत गावदेवी मैदानात भूमिगत वाहनतळाची उभारणी करण्याचा निर्णय घेऊन प्रत्यक्ष कामाला सुरुवात केली होती. हे काम नुकतेच पुर्ण झालेले आहे. वाहनतळावरील मैदानही पुवर्वत करण्याबरोबरच याठिकाणी सुशोभिकरणाची कामे करण्यात आली आहेत. हे वाहनतळ ४,३३० चौरस मीटरचे असून त्यामध्ये १३० चारचाकी वाहने तर १२० दुचाकी वाहने उभी करण्याची सुविधा निर्माण करण्यात आली आहे.

आणखी वाचा

पुणे महापालिकेच्या उपायुक्तासह शिक्षणाधिकारी, लिपिकाविरुद्ध गुन्हा दाखल; बनावट पदवी सेवा पुस्तिकेत जोडून महापालिकेची फसवणूक

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

रिक्षाचालकांच्या मागण्या ऐरणीवर! निवडणुकीच्या तोंडावर रिक्षा पंचायतीकडून जाहीरनाम्याद्वारे उमेदवारांकडे पाठपुरावा

विकासकांनी हडपलेल्या सदनिकांची माहिती असमाधानकारक ! पुन्हा माहिती सादर करण्याचे ‘म्हाडा’ला आदेश

आरक्षणासाठी ५० टक्के मर्यादा तोडू! नांदेडमधील सभेत राहुल गांधींकडून मोदी लक्ष्य

काँग्रेसचे नेते व माजी मंत्री नितीन राऊत यांच्या कारला अपघात

ठाण्यात ५२ बेकायदा होर्डिंगधारकांना पालिकेच्या नोटीसा, १० कोटी ९६ लाखांचा दंड पालिका करणार वसूल

अन्वयार्थ : हजार कोटी सापडले, त्याचे पुढे काय झाले?

हेही वाचा >>> रस्ते कामांमुळे ठाणे कोंडण्याची शक्यता?, मे महिना अखेरपर्यंत सर्वच कामे उरकरण्याचे पालिकेचे उद्दीष्ट

लोकार्पण झाल्यानंतर वाहनतळ सुरू करण्यास उशीर होऊ नये म्हणून पालिकेने वाहनतळाचा ठेका देण्यासाठी निविदा काढली होती. त्यास ठेकेदारांनी प्रतिसाद दिला आहे. प्राप्त झालेल्या निविदेतून ठेकेदार निवडण्याची प्रक्रीया केवळ शिल्लक आहे. परंतु कोकण शिक्षक मतदार संघाची निवडणुकीचा फटका या प्रक्रीयेला बसला आहे. या निवडणुकीसाठी ३० जानेवारी रोजी मतदान होणार असून २ फेेब्रुवारीला मतमोजणी होणार आहे. या निवडणुक आचारसंहितेमुळे पालिकेला वाहनतळासाठी ठेकेदार निवडण्याची प्रक्रीया करणे शक्य होत नसून त्याचबरोबर आचारसंहितेच्या काळात कोणत्याही कामांचे लोकार्पण करता येत नाहीत. त्यामुळे वाहनतळाच्या लोकार्पण लांबणीवर पडले आहे, अशी माहिती पालिका सुत्रांनी दिली.

हेही वाचा >>> ठाणे : डोंबिवलीतील ६५ भूमाफियांची बेकायदा दस्त नोंदणी कागदपत्र विशेष तपास पथकाच्या ताब्यात

ठाणे पालिकेच्या सर्वसाधारण सभेने यापुर्वीच वाहनतळाच्या पार्किंगचे दर निश्चित केले असून त्याप्रमाणे पार्किंगचे दर आकारले जाणार आहेत. तसेच जो ठेकेदार उत्पन्नातील जास्त वाटा महापालिकेला देईल, त्याला कामाचा ठेका दिला जाणार आहे. यामुळे पालिकेला उत्पन्न मिळणार आहे. तसेच वाहनतळातील विद्युत देयके, देखभाल व दुरुस्ती अशी कामे ठेकेदाराला करावी लागणार आहेत, असे पालिका सूत्रांनी सांगितले.