कल्याण – भिवंडी येथील काल्हेर ते कल्याण पूर्व असा रिक्षाने प्रवास करीत असलेल्या एका महिलेच्या गळ्यातील ६५ हजार रूपये किमतीचे सोन्याचे मंगळसूत्र मोटार सायकलवरील दोन चोरट्यांनी खेचून पोबारा केला. रविवारी सायंकाळी साडेसात वाजताच्या दरम्यान पत्रीपूल येथे हा प्रकार घडला.
अनिता मिलिंंद गायकवाड असे तक्रारदार महिलेचे नाव आहे. त्या रविवारी सायंकाळी भिवंडी जवळील काल्हेर गावातून रिक्षाने कल्याण पूर्वेतील तिसगाव येथे आनंद गायकवाड यांच्या घरी एका कार्यक्रमासाठी येत होत्या. त्यांच्यासोबत पती होते.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

पत्रीपूल येथे रिक्षा आल्यावर पाठीमागून मोटार सायकलवरून दोन जण आले. त्यांनी दुचाकी रिक्षाजवळ आणली. रिक्षात बसलेल्या अनिता यांच्या गळ्यावर दुचाकीवर पाठीमागे बसलेल्या व्यक्तीने जोराने फटका मारून त्यांच्या गळ्यातील सोन्याचे मंगळसूत्र हिसकावले. मंगळसूत्र खेचल्याचे लक्षात येताच अनिता आणि त्यांचे पतीने चोर म्हणून ओरडा केला. पंरुतु ऐवज घेऊन चोरटे नेतिवलीच्या दिशेने पळून गेले. अनिता यांनी दिलेल्या तक्रारीच्या आधारे कोळसेवाडी पोलीस ठाण्यात गुन्हा दाखल करण्यात आला आहे.

आणखी वाचा