डोंबिवली रेल्वे स्थानकाचे सुशोभिकरण, योगदान देणाऱ्या व्यक्तिमत्वांची माहिती स्थानकांच्या प्रवेशव्दारावर

राज्याचे सार्वजनिक बांधकाम मंत्री आणि भाजपचे डोंबिवलीतील आमदार रवींद्र चव्हाण यांच्या संकल्पनेतून डोंबिवली पूर्व, पश्चिमेत हा उपक्रम राबविण्यात येत आहे. या भूूमिपूजन कार्यक्रमाला खासदार डाॅ.श्रीकांत शिंदे यांनाही आमंत्रित करण्यात आले आहे. डोंबिवली पूर्व, पश्चिम भागात प्रत्येकी ३०-३० अशा पध्दतीने नाट्य, साहित्य, कला, चित्रपट, उद्योग, शिक्षण, क्रीडा क्षेत्रातील गुणवंत व्यक्तिमत्वांची माहिती एकाच ठिकाणी नागरिकांना पाहण्यास मिळणार आहे. रेल्वे स्थानकाच्या दोन्ही बाजुला सहा प्रवेशव्दारे असणार आहेत. या प्रवेशव्दारांंवर साहित्यिक, सांस्कृतिक, कला, क्रीडा क्षेत्रातील डोंबिवलीची ओळख प्रतिकांच्या माध्यमातून दिली जाणार आहे. प्रवेशव्दारांच्या मधल्या गाळ्यांमध्ये ६० व्यक्तिमत्वांची प्रतीमेसह माहिती दिली जाणार आहे.

आणखी वाचा

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

Nana Patole : निकालाआधी राजकीय घडामोडींना वेग; यातच…

सुविधांसाठी पालिकेचे पाच कोटी, पालिकेच्या सर्व विभाग कार्यालयांना प्रत्येकी २० लाखांचा विशेष निधी

कुतूहल : कृत्रिम बुद्धिमत्तेच्या साहाय्याने निर्णयांची अंमलबजावणी

मतदानाच्या माहितीसाठी १० उपग्रहाधारित फोन, ८८ धावपटूंचा वापर, नाशिक जिल्ह्यात १०३ मतदान केंद्र संपर्कहिन

KYC : RBI ने केली KYC नियम बदलण्याची घोषणा, आपल्यावर नेमका कसा परिणाम होणार?

डोंबिवलीकर किलबिल कार्यक्रमाची पोलिसांच्या १०० क्रमांकावर तक्रार

हेही वाचा… VIDEO : ठाण्यात वातावरण तापलं, उद्धव ठाकरेंचे ९० टक्के बॅनर्स फाडले; पोलिसांवर आरोप करत आव्हाड म्हणाले…

डोंबिवली पूर्व भागातील रेल्वे स्थानक परिसराला फेरीवाल्यांचा नेहमीच वेढा पडलेला असतो. स्थानकाच्या पश्चिम दिशेला विष्णूनगर मासळी बाजाराची दुर्गंधी असते. त्यामुळे रेल्वे स्थानक परिसरातून येजा करणे नागरिकांसाठी नेहमीच मोठे दिव्य ठरते. डोंंबिवली शहरात प्रवेश करताना हे नकारात्मक चित्र उभे राहते. नवा पाहूणा अथवा एखादा चाकरमानी शहरात पहिल्यांदा प्रवेश करतो तेव्हा डोंबिवली स्थानकाची ही अवस्था पाहून नाक मुरडतो. हे चित्र बदलावे यासाठी वेगवेगळे प्रयत्न गेल्या काही काळापासून केले जात असून त्याचाच एक भाग म्हणून डोंंबिवली रेल्वे स्थानक सुशोभिकरणाचा निर्णय घेण्यात आला आहे, असे भाजप कार्यालयातून सांगण्यात आले.

हेही वाचा… कल्याण शहर कोंडीच्या विळख्यात, पालिका मुख्यालयाला विक्रेत्यांचा विळखा

खासदारांची उपस्थिती

डोंबिवलीचे भाजप आमदार रविंद्र चव्हाण यांच्या संकल्पनेतून साकारत असलेल्या या कार्यक्रमास प्रमुख पाहूणे म्हणून खासदार श्रीकांत शिंदे यांना निमंत्रीत करण्यात आले आहे. गेल्या काही महिन्यांपासून चव्हाण आणि शिंदे यांचा सार्वजनिक कार्यक्रमातील वावर वाढला असून या दोन नेत्यांमधील संवाद वाढावा यासाठी प्रयत्नही केले जात आहेत. या पार्श्वभूमीवर या कार्यक्रमास स्थानिक खासदार या नात्याने शिंदे यांना खास निमंत्रीत करण्यात आल्याने राजकीय वर्तुळात या दोन नेत्यांमधील बदलत्या राजकीय संबंधांची चर्चा रंगली आहे.