करोनाची दहशत: डोंबिवली, ठाण्यातील गुढीपाडव्याच्या सर्व शोभायात्रा रद्द

२२ वर्षांपासून डोंबिवलीमध्ये गुढीपाडव्याच्या दिवशी शोभायात्रा काढण्याची परंपरा आहे. मात्र करोनाच्या दहशतीमुळे यावर्षी शोभायात्रा रद्द करण्याचा निर्णय घेण्यात आला आहे.

राज्यात करोनाग्रस्तांची संख्या १७ झाली आहे. त्यामुळे खबरदारीचा उपाय म्हणून गर्दीच्या ठिकाणी जाऊ नये असं आवाहन करण्यात येतं आहे. तसंच मॉल, नाट्यगृहं या ठिकाणीही जाऊ नका असंही सांगण्यात येतं आहे. मुख्यमंत्री उद्धव ठाकरे यांनीही खासगी कंपन्यांनी कर्मचाऱ्यांना घरुन काम करण्याचा पर्याय उपलब्ध करुन द्यावा असं म्हटलं आहे. अशात गुढीपाडव्याच्या दिवशी काय करायचं? यासंबंधी शोभायात्रा संयोजकांची बैठक पार पडली. या बैठकीत या वर्षी शोभायात्रा न काढण्याचा निर्णय घेण्यात आला आहे.