दादासाहेब फाळके यांचे नातू किरण फाळके यांचे डोंबिवलीत निधन

60 वर्षांपासून किरण फाळके यांचे डोंबिवलीत वास्तव्य होते. डोंबिवली शहरात घडलेली स्थित्यंतरं त्यांनी जवळून अनुभवली होती. ॲक्युपंक्चर शास्त्राचा त्यांना अनुभव होता. 35 वर्षे ते गरजूंना मोफत उपचार देत होते. नुकतीच त्यांची भिवंडी येथील एका महाविद्यालयात मार्गदर्शक म्हणून म्हणून नियुक्ती झाली होती. या क्षेत्रात अनेक विद्यार्थी त्यांनी घडविले.

हेही वाचा…Video : खाडी पुलांच्या दुभाजकाचा भाग कोसळला; मुंबई-नाशिक महामार्गावरील खारेगाव उड्डाण पुलावरील घटना

गिटार वाजवत गाणी गाऊन लोकांचे मनोरंजन करणे हा त्यांचा छंद होता. वाद्य वाजविण्यात ते निपुण होते. की बोर्ड, साऊथ अर्बन, गिटार, हवाईयन गिटार यांसारखी 5 ते 6 वाद्य त्यांना वादन करता येत होती. अलीकडे डिजिटल ऑडियो रेकॉर्डिंगच्या माध्यमातून त्यांनी दोन ध्वनिमुद्रिका तयार केल्या होत्या. आपल्या मोटार सायकल वरून त्यांनी डोंबिवली ते कन्याकुमारी आणि पाकिस्तान सरहद्दपर्यंत भारत भ्रमण केले होते. त्यांच्या निधनाने डोंबिवलीतील एक अष्टपैलू व्यक्तीमत्व हरपले आहे.