डोंबिवली : शास्त्रीनगर रुग्णालयात वैद्यकीय कचऱ्याचे ढीग, प्रशासनाचे दुर्लक्ष; घाणीच्या साम्राज्यामुळे रुग्णांना संसर्गाची भीती

शास्त्रीनगर रुग्णालयात दररोज सुमारे ६०० हून अधिक रुग्ण, उपचारांसाठी येतात. या रुग्णालयाचा दर्शनी भाग स्वच्छ केला जातो. मात्र, अंतर्गत जिने, रुग्णालय खोल्यांसमोरील मोकळे भाग स्वच्छ करण्यात आलेले नाहीत. शास्त्रीनगर रुग्णालय इमारतीच्या गच्चीवर अनेक महिने सफाई न केल्याने करोना काळातील गाद्या, वैद्याकीय साहित्यावर धुळीचे थर, जळमटे साचली आहेत. या घाणीमुळे डासांची उत्पत्ती होण्याची शक्यता आहे.

हेही वाचा – आरटीई प्रवेश प्रक्रिया लांबविल्याने पालक चिंतेत, शासनाच्या चुकीमुळे विद्यार्थ्यांचे शैक्षणिक नुकसान होत असल्याचा आरोप

आयुक्त डॉ. इदुराणी जाखड स्वत: वैद्याकीय सेवेतील डॉक्टर आहेत. त्यामुळे रुग्णालयात किती, कशाप्रकारे स्वच्छता पाहिजे हे त्या जाणून आहेत. अशा परिस्थितीत शास्त्रीनगर रुग्णालयातील अस्वच्छतेकडे आयुक्तांसह कोणाही वरिष्ठ अधिकाऱ्यांचे लक्ष नसल्याने रुग्ण, नातेवाईकांनी तीव्र नाराजी व्यक्त केली.

हेही वाचा – ठाण्यात शुक्रवार आणि शनिवारी पाणी नाही, महापालिकेच्या पाणी योजनेतील दुरुस्ती कामांमुळे पाणीपुरवठा बंद

शास्त्रीनगर रुग्णालयात सर्व बाजूने नियमित स्वच्छता केली जाते. पाऊस सुरू झाल्याने रुग्ण, नातेवाईकांच्या पायाची धूळ जीने, मोकळ्या जागेत पडत आहे. गच्चीवरील टाकाऊ वैद्यकीय साहित्य उचलण्यासाठी प्रभागाला कळविले आहे. तेथेही स्वच्छता केली जाईल. – डॉ. सुहासिनी बढेकर, मुख्य वैद्यकीय अधिकारी शास्त्रीनगर रुग्णालय