वाहतूक कोंडीचा जाच सुरूच ; साकेत ते मुलुंड टोलनाक्यापर्यंत वाहनांच्या रांगा

मुंबई-नाशिक महामार्गावरील साकेत पूल आणि खारेगाव टोलनाका भागात ठिकठिकाणी खड्डे पडले आहेत. शनिवारी आणि रविवारी राज्य रस्ते विकास महामंडळाने या भागात खड्डय़ांवर खडी टाकून खड्डे बुजविले होते. परंतु सोमवारी दुपारी पडलेल्या पावसामुळे खडी वाहून गेली. त्यामुळे पुन्हा या मार्गावर खड्डे पडले. त्यामुळे दुपारपासूनच शहरात वाहतूक कोंडीस सुरुवात झाली होती. सकाळी मुंबईत कामानिमित्ताने गेलेले नोकरदार घरी परतण्यासाठी मुलुंड टोलनाका, कोपरी पूलमार्गे ठाणे, घोडबंदर, भिवंडी, कल्याण आणि नाशिकच्या दिशेने  वाहतूक करत असतात. परंतु वाहनांचा भार वाढून या मार्गावर साकेत पूल ते मुलुंड टोलनाक्यापर्यंत वाहतूक कोंडी झाली होती.

आणखी वाचा

नाशिक जिल्ह्यात दोन दिवसात ५७ लाखांचा मुद्देमाल जप्त

महायुतीला सत्ता मिळाली, लाडक्या बहिणींना २१०० रुपये कधीपासून…

धर्मभेद न करता लाडकी बहीण योजनेचा सर्वांना लाभ; देवेंद्र फडणवीस यांचा दावा

उरण-करंजा मार्गाची दुरवस्था कायम

नाशिक: धोकादायक पद्धतीने मालमोटार चालवून समाजमाध्यमांत प्रसिद्धीचा सोस अंगाशी

प्रचार मिरवणूकांमुळे रिक्षा चालकांना अच्छे दिन, तीन ते चार तासांसाठी रिक्षा चालकांना मिळतात ५०० ते १ हजार रुपये

डोंबिवली पलावा वसाहतीमधील अलिशान सदनिकेतून विदेशी वन्यजीव जप्त, ठाणे वन विभागाची कारवाई

अत्यावश्यक सेवेची वाहने, रुग्णवाहिका, खासगी कंपन्यांच्या बसगाडय़ा, बेस्ट आणि टीएमटीच्या बसगाडय़ा, शेकडो कार आणि दुचाकी या वाहतूक कोंडीत अडकून होत्या. कासवगतीने या वाहनांची वाहतूक सुरू होती. त्यामुळे अवघ्या १० मिनीटांचे अंतर पार करण्यासाठी वाहन चालकांना सुमारे एक

ते दीड तास लागत होता. या वाहतूक कोंडीमुळे महिला नोकरदारांचे सर्वाधिक हाल झाले. रात्री ८ नंतरही वाहतूक कोंडी कायम होती.