कल्याणमध्ये हॉटेलच्या स्वयंपाकीला बेदम मारहाण

भरत सोमनाथ शिंदे (२५) असे स्वयंपाकीचे नाव आहे. तो कल्याणमधील पोलीस वसाहतीसमोरील इंदिरानगर भागात राहतो. बुधवारी रात्रीच्या वेळेत हा प्रकार घडला आहे. स्वयंपाकी भरत शिंदे हा रात्रीच्या वेळेत हाॅटेलमध्ये ग्राहकांच्या माध्यमातून मिळालेले सुट्टे पैसे जवळच असलेल्या बिर्ला महाविद्यालयाजवळील कॅफे क्रिम दुकानात सुट्टे पैसे देण्यासाठी गेला होता. त्यावेळी कॅफे क्रिमच्या बाहेर असलेल्या एका पान टपरीच्या बाजुला एक इसम उभा होता. तो सिगारेट ओढत होता. त्याने कोणतेही कारण नसताना सिगारेटचा झुरका ओढून अचानक तोंडातील धूर स्वयंपाकी भरत यांच्या तोंडावर सोडला.

नक्की वाचा

कल्याणमध्ये तरूणीची छेड काढल्याने,दोन गटात हाणामारी

मविआ सत्तेत आल्यावर लाडकी बहीण योजना बंद करणार?…

डोंबिवलीत रस्त्यावर गॅस सिलिंडरचा वापर करणाऱ्या विक्रेत्यावर कारवाई

कल्याण-डोंबिवलीत भरधाव वाहनाच्या धडकेत विद्यार्थीनीसह तरूण गंभीर जखमी

११ वर्षाच्या मुलाची प्रेमप्रकरण उघड झाल्याने आत्महत्या, कल्याण- डोंबिवलीत २ आत्महत्या

कल्याणमध्ये गरबा पाहण्यासाठी आलेल्या मुलाचा वीज वाहिनीचा धक्का बसून मृत्यू

कल्याणमध्ये तलवार हातात घेऊन हल्लेखोराचा तरूणाला मारण्याचा प्रयत्न

Ashish Pande : “मराठी माणसाला एक रुपयाचा बिझनेस देणार नाही”, म्हणणाऱ्या टीसी आशिष पांडेचं रेल्वेने केलं निलंबन

हेही वाचा – पाच महिन्याच्या बाळाचे अपहरण करणाऱ्या त्रिकुटास अटक; राबोडी पोलिसांनी चार तासात केली बाळाची सुटका

भरत याने थांबून ‘तू माझ्या तोंडावर धूर का सोडला. मी काय तुला केले,’ असे प्रश्न उपस्थित केले. त्यावेळी त्या इसमाने भरतला उद्देशून ‘तु मला धक्का मारून जात आहेस. हे तुला कळतय का. मी कोण आहे. तुला माहिती आहे का,’ असे बोलून भरतला पकडून त्याला धक्काबुक्की आणि शिवीगाळ केली.

संबंधित इसम हेतुपुरस्सर आपल्याशी वाद घालत आहे हे लक्षात आल्यावर भरत कॅफेमध्ये सुट्टे पैसे देण्यासाठी गेला. दरम्यानच्या काळात संबंधित इसमाने आपल्या आणखी दोन मित्रांना घटनास्थळी तातडीने बोलावून घेतले. कॅफेमधून भरत आपल्या हाॅटेलमध्ये जात असताना तिघांनी भरतला पुन्हा अडविले. त्याला तू काय दादागिरी करतोस का, असे बोलून मारहाण करत भरतच्या डोक्यात जड वस्तूचा फटका मारला. आता आपण कोण आहोत, हे समजले का, असे बोलून ते तिघे तेथून निघून गेले.

हेही वाचा – ठाण्यात अल्पवयीन मुलीचा विनयभंग करणाऱ्यास अटक

भरतने तातडीने महात्मा फुले पोलीस ठाण्यात तिघांविरुद्ध तक्रार केली. पोलिसांनी गुन्हा दाखल करून आरोपींचा शोध सुरू केला आहे. हवालदार एस. पी. कामडी तपास करत आहेत.