डोंबिवलीत रक्षाबंधनासाठी गेलेल्या कुटुंबीयांचे घर लुटले

डोंबिवली- बुधवारी दुपारी रक्षाबंधनानिमित्त बाहेर पडलेल्या कुटुंबीयांचे घर चोरट्यांनी लुटले. घरातील सात लाखाचा ऐवज चोरट्यांनी लुटून नेला. डोंबिवली पूर्वेतील देसलेपाडा भागात ही घटना बुधवारी दुपारी घडली.

आणखी वाचा

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पुणे: आयुर्विमा पॉलिसीच्या नावाखाली तरुणीची १३ लाखांची फसवणूक

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

बेकायदा गृहप्रकल्प राबवणाऱ्यांवर कारवाई गरजेची; विकासकांना जामीन नाकारताना उच्च न्यायालयाची टिप्पणी

कल्याणीनगर अपघात प्रकरणात शरण आलेल्या आरोपीला पोलीस कोठडी

दारू पिताना झालेल्या वादातून मजुराचा खुनाचा प्रयत्न, भिडे पूल परिसरातील घटना

जेसीबी यंत्राखाली सापडून बांधकाम मजुराचा मृत्यू

भोपर रस्ता देसलेपाडा भागात राहत असलेल्या ओमकार भाटकर (२७) यांच्या घरात हा प्रकार घडला आहे. रक्षाबंधन असल्याने तक्रारदार ओमकार आणि त्याची आई-वडील हे आपल्या बहिणीकडे रक्षाबंधनासाठी गेले होते. दुपारी दीड वाजता घराचा दरवाजा, खिडक्या व्यवस्थित बंद करुन कुटुंबीय घराबाहेर पडले.

आणखी वाचा-डोंबिवली रेल्वे स्थानकाचा ऑक्टोबरनंतर कायापालट, प्रवाशांसाठी पंचतारांकित सुविधांचे नियोजन

पाळत ठेऊन असलेल्या चोरट्यांनी भाटकर कुटुंबीय घर बंद करुन गेलेत याची खात्री पटल्यावर चोरटे ते राहत असलेल्या सोसायटीत आले. दुपारची वेळ असल्याने सोसायटीत सामसूम होती. चोरट्यांनी घराचा कडीकोयंडा तोडला. घरात प्रवेश करुन कपाटातील लोखंडी दरवाजाचे कुलुप तोडून तिजोरीतील रोख रक्कम, सोन्याचे दागिने असा एकूण सात लाख ३८ हजार रुपयांचा ऐवज चोरुन नेला.

दुपारी चार वाजता भाटकर कुटुंब घरी आले. तेव्हा त्यांना दरवाजाचा कडीकोयंडा तुटलेला दिसला. त्यांनी घरात जाऊन पाहिले तर सर्व सामान चोरट्यांनी अस्ताव्यस्त फेकून दिले होते. लोखंडी कपाट उघडे होते. चोरी झाल्याचे समजल्यावर कुटुंबीयांना मानपाडा पोलीस ठाण्यात तक्रार केली. साहाय्यक पोलीस निरीक्षक योगेश सानप तपास करत आहेत.