लाचखोर सहाय्यक निबंधक आणि सहकारी अटकेत, गृहनिर्माण संस्था नोंदणीसाठी घेतली ६० हजारांची लाच

हे ही वाचा… कडोंमपामधील ५८ बेकायदा इमारतींना तूर्त दिलासा, महापालिकेच्या तोडकाम कारवाईला उच्च न्यायालयाची तूर्त अंतरिम स्थगिती

हे ही वाचा… बदलापूरमध्ये महिलेवर बलात्कार

सहकारी संस्था निबंधक कार्यालयातील अनेक तक्रारी गेल्या काही वर्षात समोर आल्या आहेत. यातच लाचलुचपत प्रतिबंधक विभागाने नुकत्याच लावलेल्या एका सापळ्यात सहाय्यक निबंधक आणि कनिष्ठ लिपिक अडकले आहेत. तक्रारदार त्यांच्या इमारतीची गृहनिर्माण संस्था म्हणून नोंदणी करण्यासाठी कार्यालयात गेले होते. त्यावेळी लोकसेवक कनिष्ठ लिपिक विजयसिंह पाटील यांनी त्यांच्यासाठी आणि वरिष्ठ अधिकारी दुय्यम निबंधक यांच्यासाठी ७० हजार रुपयांच्या लाचेची मागणी केली होती. तडजोडीअंती ६० हजार रुपये रक्कम ठरवण्यात आली. शुक्रवारी सायंकाळी उशिरा यासाठी लाचलुचपत प्रतिबंधक विभागाने सापळा रचला होता. या सापळ्यात विजयसिंह पाटील यांनी ६० हजार रुपये रक्कम तक्रारदार यांच्याकडून स्वीकारली म्हणून अडकले. त्यामुळे विजयसिंह पाटील यांना रंगेहात पकडण्यात आले. ही रक्कम स्वीकारण्याकरिता सहाय्यक निबंधक चेतन चौधरी यांनी प्रोत्साहन दिले. त्यामुळे त्यांच्यावरही बदलापूर पूर्व पोलीस ठाण्यात गुन्हा दाखल करण्यात आला आहे, अशी माहिती लाचलुचपत प्रतिबंधक विभाग यांनी आपल्या प्रसिद्धी पत्रकात दिली आहे.