शिवसेनेच्या कंटेनर शाखांवर अदानी समूहाची दुसऱ्यांदा कारवाई

भाईंदर : मीरा भाईंदर शहरात बेकायदेशीरपणे उभारण्यात आलेल्या शिवसेनेच्या( शिंदे गट )कंटेनर शाखेने चोरी केलेली वीज सलग दुसऱ्यांदा अदानी वीज समूहाकडून खंडित करण्यात आली आहे. मात्र या संदर्भात अदयापही पोलीस ठाण्यात गुन्हा दाखल करण्यात आलेला नाही. मीरा भाईंदर शहरात शिवसेना ( शिंदे गट ) पक्षाने बेकायदेशीरपणे रस्त्यावर कंटेनर शाखा उभारल्या आहेत. या शाखांना कोणतीही शासकीय परवानगी नसल्यामुळे त्यावर कारवाई करण्याची मागणी शिवसेना ( उद्धव गट ) आणि काँग्रेस पक्षाने महापालिकेकडे केली आहे. याशिवाय या शाखांना मिळालेला वीज पुरवठा खंडित करण्यासाठी अदानी वीज समूहाकडे पाठपुरावा केला जात होता.